Popular Bible Verses from Mak 5

Share

An Jisas hemi talem hem olsem, “Woman, biliv blong yu hemi mekem yu fo gudbaek moa. Yu go an yu no wari moa, bikos sik blong yu hemi finis from yu nao.”

An wanfala woman tu hemi stap hu hemi bin sik long blad fo tuelfala yia nao. Oltaem nomoa hemi safa tumas taem olketa dokta trae fo mekem sik ya fo finis from hem. Nomata hemi lusim evri seleni blong hem, sik ya hemi nating finis nomoa, bat hemi jes go-gohed fo bikfala go moa.

An semtaem nomoa, blad ya hemi stop, an woman ya hemi save dat sik blong hem ya hemi barava finis from hem nao.

An Jisas hemi holem han blong gele ya an talem long hem olsem, “Talita kum.” Mining blong toktok ya hemi olsem, “Smolfala gele, mi talem yu fo getap nao.”

Nao taem Jisas hemi no finisim toktok blong hem yet, samfala man wea olketa stap kam long haos blong Jaeras, olketa kam kasem olketa an talem Jaeras olsem, “!Ei, gele blong yu hemi dae finis nao! Yu no mekem Tisa fo hadwaka moa.” Bat Jisas hemi no wande fo lisin long wanem olketa ya talem, so hemi sei long Jaeras olsem, “Yu no wari tumas, bat yu gohed fo biliv nomoa.”

An Jisas hemi sei olsem, “!Yu ravis devol, yu kamaot from man ya!” So man ya hemi singaot bikfala olsem, “!Ei, Jisas, San Blong God Antap ya! ?Bae yu waswe long mi nao ya? !Long nem blong God mi askem strong long yu, plis yu no spoelem mi!” Nao Jisas hemi askem hem moa, “?Hu nao nem blong yu?” Man ya hemi tok olsem, “Nem blong mi nao Bikfala Seksin, bikos mifala barava plande tumas ya.”