Popular Bible Verses from Matiu 27

Share

Nao kasem samting olsem triklok long aftanun, Jisas hemi singaot bikfala olsem nao, “!Eli! !Eli! ?Lama sabaktani?” wea hemi minim “!God blong mi! !God blong mi! ?Waswe nao yu lusim mi finis?”

Long semtaem tu, disfala bikfala kaleko wea hemi hangdaon insaet long Tambuhaos ya, hemi brek long midol long hem nao, stat kam long antap go-go kasem long botom. An etkuek hemi sekem graon, an hemi mekem olketa bikfala ston fo brek. An olketa grev olketa open, an plande pipol blong God hu i dae bifoa, olketa laefbaek moa.

Nao Jisas hemi singaot bikfala an hemi dae nao.

Long taem ya, bikman blong ami wetem olketa soldia blong hem, olketa gadem Jisas. An taem olketa lukim disfala etkuek an olketa narasamting wea hemi hapen ya, olketa barava fraet fogud nao an olketa sei, “!Disfala man ya hemi barava San Blong God tru ya!”

Taem hemi kasem tuelklok long de nomoa, evri ples long kantri ya hemi tudak tumas nao. An hemi go-gohed olsem fo trifala aoa.

Nao Paelat hemi askem olketa moa, “?Sapos olsem, wanem nao bae mi duim long Jisas wea olketa kolem hem Mesaea ya?” Nao evriwan olketa tok olsem, “!Nilam hem long kros!” So Paelat hemi ask olsem moa, “?Watkaen samting nao hemi duim wea hemi rong?” Bat olketa singaot bikfala moa olsem, “!Nilam hem long kros!”