Popular Bible Verses from Lucas 10

Share

Tenal an pemalga igal-ukchado, nakpemalgin tegin tiolmalgin annegal. Tegin an pemalga igal-ukchabal pemal pe-aichulid-Satanás-kannalegedgin nakwegalbal. Tenal pemal yabli kwen naklik-kunonikojulmalbal.

Tegin Jesús Martaga chogal: —Marta, imi pe ichejul immalmal-cheedgin pinzheedbal, pe sae-itonai. Tenal immal-choggwen pul-chunchoged naido. Tenal María pul-ib-nued chus an-chunmaked itogal. Tenal antin Maríaga kwen chogojul-kuo. ‘Pe we-akar nao.’

Tenal tule-Moisés-igal-wijiid Jesúsga chogal: —Imi pe Pab-Pul-Tummad-pilalguenab, pél aga pe-ulubgin-itogedzhe, pél pe-purpaje, pél pe-kannaleged-nikadzhe, pél pe-pinzheedzhe, pel-kwapa. Dt. 6:5 Tegin pe aga tukin chan pilaledyob tule-pe-tikalbal-mamimalad pe pilalguenabmalbal. Lv. 19:18

Tegidgin Jesús aga e-chapinganga chogalzhun: “Imi tule-ichejul nika Pabbak naigugal, tenal tule walpókwa wis nika Pabga arpagal. Al an pemalga purpal chogzhundo: imi immal-kwa-weied ichejul nai weigal. Tenal tule-weimalad walpókwa wis nika. Tenal Pab immal-kwa-weied-e-ibed-choggu, al pe Pabzhe wilegenabmal tule-pimalad-palmidagal Pabbal-naigugal tule-imagal, tule immal-kwa weiedyob.

Tegin Jesús tule-Moisés-igal-wijiidzhe ekichial: —¿Imi piti we tule-walpágwad tule-e-waglik-mamimaladyob tule-sakilejad-pentas? Tegin tule-Moisés-igal-wijiid Jesúsga chogalzhun: —Samaritano-tule wilejakwa tule-sakilejad-taknonikidde. Tegin Jesús tule-Moisés-igal-wijiidga chogal: —Pe nued chogzhado. Tenal pe imis-akar we Samaritano-tuleyob pe tule-pentakenabmo.

“Imi antin purkwed-abalgin tulemalzhe pe-palmine, oveja-mimmi achu-kwegwed-abalgin kudimaladyob. Imisgin pe nadmalzhundo.