Popular Bible Verses from San Marcos 12

Share

Jesús omboyevɨ chupe: —Yɨpɨndar mborocuaita avɨye catu vahe aipo ehi: ‘Pesendu Israel: yande Yar Tũpa aheño ité ñepei yande Yar secoi. Eresaɨsura nde Yar Tũpa opacatu nde pɨhá pɨpe, opacatu nde recocuer pɨpe, opacatu nde yapɨsacasa pɨpe iyavei opacatu nde pĩratasa pɨpe’ ehi. Iyavei imoñuvɨriosa porocuaita ahe co: ‘Eresaɨsura ambuae ava nde yeaɨsu nungar’ ehi. Ndipo iri ambuae porocuaita avɨye catu vahe co sui —ehi.

Evocoiyase Jesús oñehe güemimbohe upe aipo ehi: —Supi eté che aipo ahe pẽu: co cuña imer mano vahecuer iparaɨsu vahe setá catu guarepochi oporerecosa omondo ambuae ava eta sui co guarepochi rɨru pɨpe. Ambuae ava eta rumo oguarepochi rumbɨrermi tẽi omondo oporereco ãgua yuvɨreco; co cuña rumo oparaɨsusa pɨpe opa ité omondo oguarepochi —ehi güemimbohe upe.

Ñepei arɨ Jesús oguapɨ oĩ porerecosa rɨru rovai ava repia ãgua mara ehi oporerecosa imondo ipɨpe yuvɨreco. Aheve setá mbahe yar omondoño ité guarepochi yuvɨreco. Ahe pɨpeve oyepota cuña imer mano vahecuer iparaɨsu vahe. Ahe avei omondo ñuvɨriomi guarepochi oporerecosa ipɨpe.

Iyavei yasaɨsura Tũpa opacatu yande pɨhá pɨpe, opacatu yande yapɨsacasa pɨpe, opacatu yande pĩratasa pɨpe, iyavei yasaɨsura ava yande yeaɨsu nungar. Ahe ité avɨye catu mbahe seropovẽheprɨ sui iyavei opacatu porerecosa sapɨprɨ tẽi sui —ehi.

Evocoiyase aipo ehi fariseo upe: —Pemondora mborerecuar upe mbahe chupendar; Tũpa upendar mbahe evocoiyase pemondora Tũpa upe —ehi. Evocoiyase oyepɨhamondɨi tẽi aipo oyeupe hese yuvɨreco.