Popular Bible Verses from Apocalipsis 5

Share

As nik ib'itza ve't uma'l u ak' b'itz te u Kaneero'e'. As ech nik tal ile': Tan eetz chite' ti' ak'ulat u u'uje' as ti' eesat unq'a sello sti', tan axhe' uva' kat yatz'pu ve't axh vatz u Tiixhe', tan kat achoo vipaav unq'a tename' tul kat el vakajale', aq'al uva' tetz u Kub'aal Tiixhe' unq'a tename' la ib'ane', k'uxh kam kuxh tenamil as k'uxh kam kuxh yolb'al niyolb'e.

As kat taq' ve't je' tuul ivi' skajayil. As ech tal ile': ¡U Kaneero' as a'e' kat yatz'pu vatz u Kub'aal Tiixhe'! ¡As tetz chite' uva' la ik'ul u tijle'me'! ¡As la ok u tx'iib'al q'iie' tiq'ab', tuk' u nimla txumb'ale', as tuk' u yak'ile'! ¡As techal la oksal iq'ii, tul la nachpi! ti'k unq'a ángel.

As kat aaq' ve't tijle'm vatename', as kat ok ve't ti' toksal iyol tenam vatz Tiixh. As tuk' vab'a'nile', as la til ve't vatename' isuuchil unq'a vee' skajayil vatz u tx'ava'e', ti'k u b'itze'.

As jank'al unq'a vee' at tu almika'e', tuk' unq'a vee' at vatz u tx'ava'e', as jaq' u tx'ava'e', as xe' u mar, as kat vab'i u tuul ivi'e'. As ech nik tal ile': ¡Qoksataj iq'ii u Tiixhe' uva' xonle'l tu u nimla xonleb'ale'! ¡As qoksataj iq'ii u Jesucristo uva' kat yatz'pi ti' isotzsal kupaav ech ikame' eche' nik tulb'el unq'a Kaneero'e'! ¡As atoj chit u yak'ile' skajayil tiq'ab' ti' chit ib'ene'! ti'k unq'a cheesa'me' skajayil.

As kat yolon ve't uma'l u q'esla aama. As ech kat tal ile' sve: —Ye' oq' ve't axh, tan il uma'l u tiaal u Judá ati uva' ech tatine' eche' b'alam. As an chit tiaal David unpajte. As ye' kat iya'sa Aak inimat u Tiixhe' k'uxh nimal k'axk'o kat ipaleb'e. As a'e' tuk eesan vujva'l unq'a sello ti' ijajat u u'uje',— ti'k u q'esla aamae' sve.