Popular Bible Verses from Apocalipsis 3

Share

As il in txakle'l ve't in tzi' u kab'ale' ti' unmolot el tzan unq'a uxhchile'. As ab'il uva' la ab'in u tuul unvi'e' as la ijaj ve't u tzi' kab'ale', as la ok ve't in sk'atz. As la tx'a'n ve't in sk'atz; as la tx'a'n ve't sunk'atz.

–Ootzimal sva'n kam uva' nab'ane', tan ye'l axh uva' che'v koj axh. As mita'n tz'a' koj axh. ¡Pet aal b'a'ne' uva' che'v axh, as moj tz'a' axh ti' aatin sunk'atz! As la xa'v in a'n, tan ti' uva' miq'moj kuxh axh. As jit axh tz'a'; as jit axh che'v ti' aatin sunk'atz.

tan jank'al unq'a uxhchile' uva' xo'n sve, as nunb'eya ste uva' a' u b'a'ne' la ib'ane'. As nunchuse' ti' uva' la ib'an u b'a'ne'. Esti'e' ni val see, jalpu vatxumb'ale'. As aya'loj chit ak'u'l ti' animat u yole' uva' alel see sva'n.

–Ootzimal sva'n kam uva' nab'ane'. As at ve't uma'l u tzi' kab'al savatz uva' jajle'l ve't sva'n. As ye'xheb'il la jupun. As ootzimal sva'n uva' k'uxh b'iil kuxh ayak'il ati, as nanima vunyole'. As ye'l axh neesa eeb' sunk'atz.

As ab'iste ex uva' ye' la eya'sa enimat in k'uxh la epaleb'e k'axk'o, as la vaq' etijle'm ti' exoneb' k'atz vunxonleb'ale' eche' uva' kat unb'ana, tan ye' kat unya'sa unnimat viyol vunB'aale' k'uxh kat unpaleb'e k'axk'o. Esti'e' kat xoneb' ve't in k'atz vixonleb'al vunB'aale',– ti'k Aak ni tale',» chaj axh te u alol tetz vunyole' xo'l unq'a niman vetze' tu u Laodicea.

As ech naal je' ile' see'. In tx'ioliq'ii. As b'a'n chit vatine', tan ye'xhkam kuxh nisa'vit svi', ch'axh naale'. As tul ye' ootzaj uva' kam b'anel a'n sunvatz, tan ye'l eetz ati. As oyeb' kuxh avatz, tan meeb'a' kuxh axh. As txumleb'al kuxh atine', tan ech axhe' eche' umaj tzot. As ech axhe' sunvatz eche' umaj uxhchil uva' t'osle'le'.

As ti' uva' ye' nika'kab'in ak'u'l ti' animat vunyole' eche' uva' kat val see, as esti'e' la unkol ve't axh vatz u k'axk'oe' uva' la ul ti' unq'a tename' skajayil, ti' ik'axb'isal unq'a uxhchile' uve' ni ixvan in vatz u tx'ava'e'.

As il in vul ve'te'. As aya'loj chit ak'u'l ti' ooksat aama ti' animat unq'a chusb'ale' uva' ootzimal ve't a'n, aq'al uva' ye'xheb'il la maon vatx'aja'me',– ti'k Aak ni tale',» chaj axh te u alol tetz vunyole' xo'l unq'a niman vetze' tu u Filadelfia.

Esti'e' ni val see, atoj chit anachb'al. As la aya'lu eeb' ti' ab'anat ka't unq'a b'a'ne' uva' b'iit kuxh ye' naya'sa ab'anata', tan ni vile' uva' jit ve't u jike' uve' nab'an vatz u Tiixhe'.