Popular Bible Verses from Marcos 2

Share

Tul tab'i u Jesús, as ech tal ve't Aak ile': —Ab'il uve' ye'l ch'o'm sti', as ye'le u aatz'ake' la txakon sti'. Pet a' unq'a aach'o'me' uve' nitxakon u aatz'ake' sti'. As jit unq'a uxhchile' tul unmolo uva' ni tal je' ste uva' ye'l ipaav ati. Pet unq'a uxhchile' uva' nich'o'n ste uva' kat paavini, as a'e' tul unmolo,— ti'k u Jesús.

Tul til u Jesús uva' k'ujlik chit ik'u'l chajnaj ti' Aak, as ech tal ve't Aak ile' te u aach'o'me': —Unk'aol, kat sotzye' vapaave',— ti'k Aak.

As ech tal u Jesús ile' unpajte: —As ti' u naje' la txakonkat u xeem q'iie' tul sik'ujb'a't kan u Tiixhe'. Pet jit u xeem q'iie' la txakonsan u naje'.

As tul ye' nik tuch tok chajnaj vatz u Jesús ta'n unq'a mama'la tename', as teesa ve't chajnaj unb'iil ivi' u kab'ale' uve' atikkat Aak. As taq' ve't ku' chajnaj u aach'o'me' tuk' u ch'achi'm tze'e' vatz Aak.

Pet aq'al uva' la etootzi u tijle'm VIK'AOL U NAJE' as kat uli ti' ul isotzsat ipaav unq'a aapaave' vatz u tx'ava'e', as sevatz tuk valkat te u aach'o'me',— ti'k Aak. As ech tal ve't Aak ile' te u aach'o'me': —Txakpen. As eq'o vasoke'. As kuxh ve't takab'al,— ti'k Aak.

¿As ab'iste q'i uva' ye' la oleb' in ti' ib'anche' uva' netitz'a? ¿Ma ti' uva': «Kat sotzye' vapaave',» chaj in te u aach'o'me'? ¿Pet moj: «Txakpen. As eq'o vach'achi'm tze'e'. As kuxh ve'te',» chaj in la vale'?

As yak kuxh txakpu ve't u naje'. Teq'o ve't naj u ch'achi'm tze'e'. As el ve't ch'u'l naj xo'l unq'a tename'. As teq'o ve't taama unq'a tename'. As toksa ve't unq'a tename' iq'ii u Tiixhe'. As ech tal ve't ile': —¡Ye' atixoj qil ib'anax umaj b'a'nil eche' uve' kat uchya!— ti'k unq'a tename'.