Popular Bible Verses from Lucas 5

Share

As tul ya' u Jesús ti' iyolone' xo'l unq'a tename', as ech tal ve't Aak ile' te u Simón: —Eeq'o ok u barco tu uve' nimkat tuul u a'e'. As etaq'taj b'en unq'a ek'ache' xe' u a'e' ti' etxeyat unq'a txaye',— ti'k Aak.

Ech tal ve't u Simón ile': —Chusul, as uma'x chit aq'b'al o' ti' kutxeyat u txaye'. As ye' kat kutxey umaj txoo. Pet asoj axh la alon, as tuk vaq' b'en u k'ache' xe' u a'e' unpajte,— ti'k u Simón. As ib'an ve't chajnaj kam uve' tal u Jesús. As a' chit mama'la txaye' ok ve't tu u k'ache'. As nik irat'mu ve't u k'ache' jaq' talal unq'a txaye'.

Pet b'enameen nikat tel ch'u'l u Jesús xo'l unq'a tename' ti' ib'en inachat Tiixh sijunal tu unq'a atinb'ale' uve' ye'lkat uxhchil.

As jit unq'a uxhchile' tul unmolo uva' ni tal je' ste uva' ye'l ipaav ati. Pet a' unq'a uxhchile' uva' nich'o'n ste uva' kat paavini, as a'e' tul unmolo, aq'al uva' la ijalpu ve't vitxumb'ale',— ti'k u Jesús.

As tul til u Simón uva' Lu' inoo ve't unq'a barco ta'n unq'a txaye', as ku' ve't naj qaaloj vatz Aak. As ech tal ve't naj ile': —Ye' la uch aatin sunk'atz, Pap, tan in aapaav,— ti'k u Lu'e'

As tul tab'i ve't u Jesús u yole' uve' alpu te unq'a ichusulib'e', as ech tal ve't Aak ile': —Ab'il uve' ye'l ch'o'm sti', as ye'le u aatz'ake' la txakon sti'. Pet a' unq'a aach'o'me' uve' nitxakon u aatz'ake' sti'.

As ijetz' ve't el tzan chajnaj unq'a ibarco tzi' u mar. As taq' ve't kan chajnaj unq'a tetze' skajayil. As xekeb' ve't chajnaj ti' u Jesús.

As tul atik u Jesús tu uma'l u tenam uva' tu u Galilea, as b'ex oonoj uma'l u naj k'atz Aak uva' mama'la ch'a'k chin atik ok sti'. Tul til naj Aak, as ku' naj qaaloj techal toon ivatz naj vatz tx'ava' vatz Aak. As ech tal ve't naj ile': —Pap, asoj la asa', as b'an b'a'nil sve. As eesa u ch'o'me' svi', tan la oleb' axhe',— ti'k naj. As taq' ve't b'en u Jesús iq'ab' ti' naj. Ech tal Aak ile': —B'a'n kuxhe'. Kat b'a'nxiy ve't axhe',— ti'k Aak. As yak kuxh el u ch'a'k chine' ti' naj.

As aal chit nik ipax ve't itzib'lal u Jesús xo'l unq'a tename'. As a' chit mama'la tename' nikat imol ve't tib' ti' tab'il viyol Aake' as ti' uva' la ib'a'nxisa ve't Aak unq'a aach'o'me'.