Popular Bible Verses from Lucas 10

Share

As kat vaq'lu ve't iyak'il vetijle'me' ti' uva' ye'xhkam la tulb'e ex unq'a tx'i'latxooe' tuk' unq'a ixkab'e', k'uxh la epach' txoo tu b'ey, tan at etijle'm sva'n ti' etoleb' ti' u tx'i'lanaje' tuk' unq'a imoole'.

Ech tal ve't u Jesús ile' te u Taae': —Ile' tuk val see, Taa: Tan va'l kuxh apojb'e' ti' unq'a aq'one' uve' nab'ane'. Pet uve' nib'an u Ma'le', as a'e' uva' nim talche' ti' unq'a echb'ub'ale'. As ye' la ib'ane' uva' layaap ixoj sti',— ti'k u Jesús.

As ech tal ve't u naj ile' uva' chusel tib' ti' unq'a tzaq'ite': —Ech ni tal vitzaq'it u Tiixh ile' sqe: Aya'loj chit ek'u'l la exo'ni u Kub'aal Tiixhe' tuk' chit etaanxelal, tuk' chit eyak'il, as tuk' chit etxumb'al. As xo'noj vemoole' sete eche' uva' neb'an je' sete, taq' u tzaq'ite',— ti'k naj.

As ech tal ve't b'en Aak ile' te chajnaj: —Ech ve't tatin unq'a tename' eche' unq'a ko'me' uva' la pitx'lu ve'te'. As tul ka'l kuxh unq'a aq'onvile' ati. Pet ejajtaj te u Kub'aal Tiixhe' ti' uva' la ichaj tzan Aak ka'toj uxhchil ti' talat isuuchil viyol Aake' xo'l unq'a tename'.

¿As ab'iste u naje' xo'l oxva'l unq'a naje' q'i uve' imool tib' tuk' vas naje' kat ib'ana uve' kat k'axb'isal ta'n unq'a elq'ome'?— ti'k u Jesús. Ech tal ve't u naj ile' uva' chusel tib' ti' unq'a tzaq'ite': —A' u naje' uve' kat txumun ivatz u naje' uve' k'axb'inalike,— ti'k naj. As ech tal ve't u Jesús ile': —Kuxh ve'te'. As echat la ab'ane' eche' uva' kat ib'an u aa Samaria,— ti'k u Jesús tal te naj.

As b'enoj ex, tan ine' ni chajon b'en ex. Pet ech eb'ene' eche' ib'en unjoloj kaneero' xo'l unq'a xo'e'.