Popular Bible Verses from MARKA 8

Share

Hikuva la rhandzaka ku hlayisa vutomi bya yena, u ta lahlekeriwa ha byona; kambe la lahlekeriwaka hi vutomi bya yena hikwalaho ka mina ni Evhangeli, u ta byi hlayisa.

Hikuva munhu, hambi a nga fuwa misava hinkwayo, kambe a lahlekeriwa hi moya wa yena, swi ta n'wi pfuna yini-ke?

Kuteloko a vitanile vunyingi ni vadyondzisiwa va yena, a ku eka vona: “Munhu, hambi a ri mani na mani loyi a rhandzaka ku ndzi landza, a a titshike, a tirhwexe xihambano xa yena, kutani a ndzi landza.

Kumbe munhu a nga xava moya wa yena ha yini-ke? Hikuva loyi a nga ni tingana hikwalaho ka mina ni marito ya mina, emahlweni ka rixaka leri ra vaoswi ni ra vadyohi, na yena N'wana wa Munhu u ta khomiwa hi tingana hikwalaho ka yena, siku a taka vuya hi ku kwetsima ka Tata wa yena swin'we ni tintsumi leto kwetsima.”

Kutani a ku eka vona: “Xana n'wina mi ri ndzi mani-ke?” Petro a hlamula a ku eka yena: “U Kriste.”