Popular Bible Verses from LUKA 5

Share

Kuteloko a hetile ku vulavula, a ku eka Simoni: “Tlutelani exidziveni, mi hoxa tinkoka ta n'wina, mi phasa.”

Kambe Simoni a hlamula, a ku eka yena: “N'wini, hi tirhile vusiku hinkwabyo, byi ko byi xa, a hi phasanga nchumu; kambe hi ku vula ka wena, ndzi ta hoxa rikoka.” Va endlisa sweswo kutani va phasa tinhlampfi leto tala, rikoka ri ko ri handzuka.

Kambe yena a tiyela emananga, a ya khongela.

A ndzi telanga ku vitana lava lulameke eku hundzukeni, kambe vadyohi.”

Simoni Petro, kuteloko a swi vona, a khinsama emilengeni ya Yesu a ku eka yena: “Hosi, suka eka mina hikuva ndzi mudyohi.”

Yesu a va hlamula, a ku: “Lava hanyaka a va lavi n'anga, kambe yi laviwa hi lava vabyaka.

Kuteloko va tlherisile mabarika eribuwini, va siya hinkwaswo, va n'wi landza.

Kakuloko a ri emutini wun'wana wanuna la teleke nhlokonho, loko a vona Yesu, a tiwisa ehansi emombyeni, a n'wi khongela, a ku: “Hosi, loko u swi rhandza, u nga ndzi basisa.” Yena a tshambuluta voko, a n'wi khumba, a ku: “Ndza swi rhandza, basisiwa!” Hi nomu lowu, nhlokonho yi suka eka yena.

Kutani ku twakala ka yena ku engeteleka ku hangalaka; vunyingi lebyikulu byi ta ku n'wi yingisela ni ku horisiwa hi yena mavabyi ya vona.