Popular Bible Verses from Umshumayeli 9

Share

Wonkhe umsebenti losetandleni takho wente ngemandla akho onkhe, ngobe ethuneni lapho uya khona, kute kusebenta, nekucabanga, nelwati kanye nekuhlakanipha.

Kukhona lokunye lengikubonile lapha ngaphansi kwemtfunti welilanga: Ematubane lamakhulu akusiwo lenta umuntfu aphumelele emncintiswaneni, nemandla akusiwo lenta uncobe ekulweni, kantsi nekudla akutfolwa ngulabahlakaniphile bodvwa, nebunjinga abusibo balabakhaliphe ngengcondvo kuphela, nemphumelelo ayisiyo yalabanelikhono; kodvwa sikhatsi nematfuba kubehlela bonkhe.

Tijabulise ngekuphila nemfati wakho lomtsandzako, kuto tonkhe tinsuku letendlula ngekushesha, Nkulunkulu lakuphe tona lapha ngaphansi kwemtfunti welilanga. Ngobe phela loko sabelo sakho ekuphileni kwakho nasekukhandlekeni kwakho lapha ngaphansi kwemtfunti welilanga.

Hamba udle kudla kwakho ngenjabulo, unatse liwayini lakho ngenhlitiyo lejabulako, ngobe Nkulunkulu uyakuvumela kuloku lokwenta nyalo.

Kuhlakanipha kuncono kunetikhali temphi, kodvwa soni lesisodvwa sibhubhisa lokuhle lokukhulu, lokwentiwe kahle.

Umuntfu lohlakaniphile lokhuluma inhlitiyo yakhe ngalelipholile kuncono alalelwe kakhulu kunekulalela umphatsi lolibala kumemeta, anika imiyalo etilimeni.

Liciniso, labaphilako bayati kutsi batakufa, kodvwa labafile abati lutfo; sebate umvuzo, abasakhunjulwa ngisho nekukhunjulwa.