Popular Bible Verses from Umshumayeli 11

Share

Jabula jaha, ebusheni bakho, inhlitiyo yakho ayikujabulise ngemalanga ebusha bakho. Landzela tindlela tenhlitiyo yakho nako konkhe lokubonwa ngemehlo akho; kodvwa ukhumbule kutsi Nkulunkulu uyawukwehlulela ngako konkhe lokwentile.

Ngako-ke cosha kungeneliseki engcondvweni yakho, utsintsitse tinhlupheko emtimbeni wakho, ngobe busha nekucala kwemphilo kulite nje.

Lowo lonaka umoya angeke aze ahlanyele; nalowo lolindzela emafu emvula angeke aze avune.

Njengobe ungati kutsi umoya uvelaphi, nekutsi kwenteka kanjani kutsi umfati lotetfwele abe nemtimba lonemoya lophilako esiswini sakhe, kanjalo ungeke wati kutsi Nkulunkulu uMdali wako konkhe, usebenta kanjani.

Ekuseni hlanyela inhlanyelo yakho, ungayekeli kusebenta lize liyewushona, ngobe awuyati lenguyona itawuphumelela, kutsi ngulena yini nome nguleyo, nome totimbili tiyawuphumelela kahle ngalokufananako.

Yaba timphahla takho tekutsengiswa kulabasikhombisa, yebo, kulabasiphohlongo, ngobe awati kutsi yini lengahle yehlele umhlaba.