Popular Bible Verses from Titus 1

Share

Nduntꞌohne, “Yakꞌusda tꞌeznínzun,” hutni, ꞌet hoontsꞌi dude ꞌutꞌen be hichꞌaz ditni. ꞋEnne butsꞌu hoontsiꞌne hinli, ꞌinkꞌez dichꞌoh kꞌuneꞌ hutitꞌen-un ꞌet za hukwaꞌ huninzun. ꞋEt ꞌutꞌen unzoo-i ꞌuhutilhꞌelh-un, ꞌaw huba soo lheꞌhildzooꞌ wheꞌ hintꞌoh.

ꞋEt mbene la buyo tsꞌe lhoditsunne, ꞌenne hoonli buba me lhiloh. ꞋEt hoontsꞌi mbene la budzi dutsun suliꞌne, ꞌinkꞌez buba ꞌalhaꞌ lheꞌhóotꞌohne, tsꞌiyai buba me yinli. ꞋInkꞌez bubeni ꞌinkꞌez buyo tsꞌe ꞌi gha tꞌetsꞌoninzun-i, ꞌi tsꞌiyai dutsun whe ꞌuntꞌoh.

Ndi khuni ꞌi be Yakꞌusda neba ꞌalhaꞌ ꞌuntꞌoh-i, ntsꞌenꞌa huyodilꞌeꞌ, ꞌi tsꞌiyawh yotun. ꞋEt whe la ndi tsꞌihꞌun unꞌa be whutsꞌodulꞌeh-i, ꞌi be ꞌuyoonne ꞌon nus budzi ulhtus hitilhtselh. ꞋInkꞌez cha mbene la ndi be whutsꞌodulꞌeh-i, ꞌi yuchꞌaz yalhdukne, ꞌenne ndi khuni ꞌi be nintaꞌhutꞌih-un ꞌet whubuntilhtun.

Dune huwunli-un unli de, ꞌen Yakꞌusda be ꞌutꞌen kꞌoh-un yutlꞌá whulhꞌai, ꞌet huwa ookꞌehóotalhtsꞌulh-un whuyit ꞌootꞌeꞌ. ꞋAw dichꞌoh dukꞌunꞌa za hukwaꞌ noozin huba lheꞌhóotꞌoh. ꞋAw khun lhonúlhchꞌe, tsꞌekoo tooꞌ cha ka dálhatni. ꞋEt dune ꞌeyaih-un cha lhiloh ooleꞌ, ꞌinkꞌez ꞌaw sooniya cha ha dálhatni. ꞋEt kꞌus dune yoh dalih-un ooleꞌ. ꞋInkꞌez hoonzoo-un tsꞌiyawh hóontꞌiꞌ. Tsꞌihꞌun ni nizulh, ꞌinkꞌez tsꞌihꞌun dune unli-un cha. ꞋEt oodzi lubeshi ooghu hooloh whe ꞌinkꞌez dichꞌoh tsꞌihꞌun unꞌa khudli-un cha ooleꞌ.

Dune ookꞌé hotꞌalh-un ooghu hooloh-un, ꞌilhoghun za ooꞌat unli. Buzkeh cha buba ꞌalha ꞌuhoontꞌohne hinli, ꞌaw nzulhuhoodilꞌih, ꞌinkꞌez khuni kꞌuneꞌ ꞌutꞌenne hinleꞌ, ꞌet nduntꞌoh-un dune ooleꞌ.