Popular Bible Verses from Mark 14

Share

ꞋUBá, nyun za tsꞌiyantsuk nkꞌúneꞌ whutꞌen. Ndi dzoh nutiszut-un sba hooloh nahoolhtsi, ꞌet hoontsꞌi si hukwaꞌ nuszun íloh, nyun hukwaꞌ ninzun hukwꞌunꞌa ꞌet ꞌuhóneh.”

ꞋInkꞌez ꞌúbulhni, “Howahli tankꞌus-un tihtꞌi whuchꞌa tenadoohdli. Nohyughi be tihzooꞌ hukwaꞌ nahzun, ꞌet hoontsꞌi nohyustꞌe tetsun whe ꞌuntꞌoh.”

ꞋAlhaꞌ nohdusni ndi yun kꞌut ndulcho whe ndi khuni unzoo-i nudútikat, ndun tsꞌeke ꞌuhoonla-un, ꞌet hukwꞌu naootitnuk ꞌet whe dune yunatilnih.”

ꞌinkꞌez ꞌubulhni, “Szul tube tsꞌodi suliꞌ kꞌet ꞌawet datisah le ꞌustꞌoh. Njan dúlhtsꞌi ꞌinkꞌez howahli.”

ꞋEt naꞌhutꞌalh whe Jesus lhes yílhchoot yuba tenadidli ꞌinkꞌez lhtsꞌe danyuz. Yugha hodulꞌehne bugha íninla ꞌinkꞌez ubúlhni, “Ndi ulhchoot, ꞌinkꞌez ꞌahꞌálh. Ndi syustꞌe ꞌuntꞌoh.”

ꞋEt lubot yílhchoot, ꞌinkꞌez duBá “Músi,” yúlhni. Butlꞌa yánkai ꞌinkꞌez tsꞌiyawh huyitnaiꞌ. ꞋInkꞌez ubúlhni, “Ndi ꞌi suzkaiꞌ ꞌuntꞌoh. Lhane buba nadútiltꞌih ꞌinkꞌez ꞌi gha ꞌandit nohtsꞌu nahizúsya.

ꞋInkꞌez Jesus ubúlhni, “ꞋAndit ꞌulhdzis nohni tsꞌiyawh ska yátilhleh, ꞌinkꞌez ninta tilhwus, ndi Yakꞌusda ooghuni ndutni, ‘ꞋEt huwa Yakꞌusda ꞌen ꞌusbai ghunlí-un ootꞌaitasnalh ꞌinkꞌez ndi ꞌusbai tsꞌiyawh yaitálhꞌus.’

Dunadahdilh uztoodilh, nulhꞌen dune seꞌóotakulh-un, ꞌawet ꞌoh whuya uyalh.”

ꞋEt Jesus uyúlhni, “Peter, ꞌandit ꞌulhdzis lugok dune nat ꞌudutinelh whutso, tat ꞌet tꞌesunuzínzun dutanelh.”