Popular Bible Verses from Luke 11

Share

Nohni lubeshi ꞌulhꞌenne ꞌahli, ꞌet hoontsꞌi tꞌeoonáhzun unzoo-i nohuzkeh gha tíhlelh. ꞋEt dáwhulcho-i be ꞌon nus ndo yakꞌuz nohBá yoodulhkutne, Ndoni bugha tíꞌalh.”

ꞋEt whuz unꞌa nohdusni, Yakꞌusda ndai ooka yoodulhkut-i nohgha ítaꞌalh. Ookunáhta ꞌinkꞌez nahootáhꞌalh. Dati dunulhkwꞌuz ꞌinkꞌez nohba dáhaꞌ dutikwus.

ꞋEt mbene Yakꞌusda hoonli hitsꞌu hukwa ꞌutni de, bugha whútakulh. Mbe hoonli hukwunútane, nahuhootáꞌalh. ꞋInkꞌez mbe la dati dunulkwꞌuz-un ooba dáhaꞌ dutikwus.

ꞋEt ꞌubulhni, “Nja ndudahni whe tenadoohdli, ‘NeBá yakꞌuz sinda. Nyooziꞌ dótiꞌ. Dahoontꞌoh whe lerwe inli, ꞌet cha netsꞌó tooltsꞌit. ꞋInkꞌez yakꞌuz tsꞌe hukwaꞌ ninzun dahooja la, ndi yun kꞌut cha, whuz unꞌa za ꞌet ndúhoneh.

ꞋInkꞌez ꞌuyoonne bulh dulhyoh tsꞌuwhulhꞌai de, buba whunatsꞌodoolnoh. ꞋEt whuz unꞌa za nelubeshi neba oonaoodolnoh. Tankꞌus uznintꞌi-un whuchꞌa neghinli. ꞋInkꞌez ntsiꞌ-un chꞌa néghinli.’”

ꞋAndit dzin ꞌuztiꞌulh-i, negha nínꞌaih.

ꞋEt whuz unꞌa nohna ꞌi ꞌantsꞌi nohyustꞌe ba too dizkꞌun leꞌ ꞌuntꞌoh. ꞋEt nohna soo ꞌuntꞌoh de, nohyustꞌe ndulcho whe be hootꞌen-i be whudizbun. ꞋEt hoontsꞌi nohna lheꞌízooꞌ de, nohyustꞌe ꞌi cha tsalhgus be dizbun.

“Dune ꞌaw too dizkꞌun naidulhkꞌan ꞌinkꞌez whunistꞌi-un kꞌus chalhyal tꞌah te ꞌaw néyoꞌalh ꞌaitꞌoh. ꞋEt kꞌus too dizkꞌun hukwꞌusꞌai-un, hukwꞌe yiꞌaih. ꞋI gha la dándilhne be hóotꞌen-i hinoolhꞌen.