Popular Bible Verses from John 6

Share

ꞋEt Jesus ubúlhni, “Si ꞌustꞌoh ndi lhes ndai la dune yugha khúna-i usdli. Mbe la sghu yaih-un, ꞌen ꞌaw ꞌilhiz wheni ooyeꞌóoltsꞌilh ꞌaítꞌoh, ꞌinkꞌez mbe la si ooba ꞌalhaꞌ ꞌustꞌoh-un, ꞌaw ꞌilhiz wheni taꞌódaꞌ ꞌaítꞌoh.

Ndoni ꞌen ꞌutꞌen yinka duneꞌne ꞌilhiz huhutinalh-un bugha whuꞌaih. Dune yustꞌe ꞌaꞌalh-un, ꞌaw hoonli lhuhooloh wheꞌ hoontꞌoh. Ndi khuni be nóhbulh yasduk-i, ꞌi be la ꞌilhiz wheni huhutinalh.

Ndi tꞌalh-i gak nadleh whe ꞌuntꞌoh, ꞌaw ꞌi iloh ookunáhta, kꞌus ndi ꞌutꞌalh-i dune ꞌilhiz ooleꞌ huye khúna-i, ꞌi ookunáhta. Yinka Dune Yeꞌ, ꞌi nohghá yoꞌalh, ooBá Yakꞌusda ꞌen yugha óoninꞌai, ꞌen ooYeꞌ ꞌuntꞌoh ꞌet huwa.”

Mbene la Yakꞌusda ooYeꞌ tꞌeinínzunne ꞌinkꞌez ꞌen buba ꞌalhaꞌ ꞌuyintꞌohne, ꞌilhiz wheni huye khúna-i hitátꞌelh ꞌinkꞌez ꞌudekꞌez dzin de ꞌenne dunabudutásdlelh. Ndun whuz de sútilhꞌaꞌ-un njan ꞌet hukwaꞌ ninzun ꞌet huwa,” ubúlhni.

ꞋEt Jesus ꞌubulhni, “Mbe la ndun Yakꞌusda nohtsꞌu whusayálhꞌaꞌ-un, ꞌen nohba ꞌalha ꞌootꞌeꞌ. Ndi ꞌi Yakꞌusda be ꞌutꞌen ꞌuntꞌoh.”

Tsꞌiyanne sBá sgha bunínlane, ꞌenne la stsꞌun hútoodilh, ꞌinkꞌez mbe la sghu yaih-un, ꞌaw oochꞌaz naóozꞌah ꞌaítꞌoh.

ꞋEt Simon Peter uyúlhni, “NeMoodihti, mbe suba ootsꞌuztoodilh? Nyun za khuni ꞌilhiz wheni be tsꞌúkhuna-i ꞌintꞌi

Ndi lhes yakꞌuz tsꞌe haltsꞌut-i, ꞌilhiz ooleꞌ wheni huye khúna-i, ꞌi ꞌustꞌoh. Mbene la ndi lhes yanꞌal de, ꞌenne ꞌilhiz wheni huhutinalh, ꞌinkꞌez ndi lhes nohgha tísꞌalh-i, ꞌi syustꞌe ꞌuntꞌoh. ꞋI huwa tísꞌalh, ꞌi gha la yinka whuduneꞌne, ꞌilhiz ooleꞌ wheni huhutinalh,” ubúlhni.

Mbene la sBá stsꞌú butilhꞌaꞌne, ꞌenne za la stsꞌun hutoodilh ꞌinkꞌez ꞌudekꞌez dzin de ꞌenne dunábudutásdlelh.

Ndi Yakꞌusda ooles ꞌen ꞌuntꞌoh ndus de yakꞌuz haínya-un ꞌinkꞌez yinka whuduneꞌne ꞌilhiz wheni huye khútinalh-i bugha nínꞌai.”

Si ꞌustꞌoh lhes dune ye khúna-i, ꞌi usdli.

ꞋEt Jesus lhes yílhchoot, Yakꞌusda tsꞌun musi ni whe tenadidli, ꞌinkꞌez yugha hodulꞌehne butlꞌa yánla, dilhtsꞌíne tsꞌiyawh butahuyólelh wheni. ꞋEt lhoyaz yílhchoot ꞌinkꞌez ꞌi cha ꞌet ndúyinla. Tsꞌiyanne soo ꞌúltsuk whe huyílhchoot ꞌinkꞌez hiyanꞌal. ꞋInkꞌez tsꞌiyanne ꞌuhunisdai whe, Jesus yugha hodulꞌehne ubúlhni, “Ndai la chꞌutízkat-i, soo tsꞌiyawh nalhdzooh, ꞌet de la ꞌaw hoonli nintaookat ꞌaítꞌoh.”

ꞋAwet bunghun lhulcho atꞌen hikelh whula, Jesus too kꞌut uyalh whe hitilhꞌen, ꞌinkꞌez ꞌawet butsꞌi ye nghoh úyalh whe tube húnuljut. ꞋEt, “Nulhjut íloh, si ꞌustꞌen!” ubúlhni.