Popular Bible Verses from John 15

Share

Si mai chun ꞌustꞌoh ꞌinkꞌez nohni ꞌuzooschum ꞌahtꞌoh. Mbene la si syudínda ꞌinkꞌez si cha ooyudúsdane, ꞌenne za bumaiꞌ lhai tileh. ꞋEt si schꞌoh, ꞌaw hoonli ꞌuhuhooleh-un hooloh.

Nohni syúdolhtsꞌiꞌ ꞌinkꞌez si cha nohyudóosdaꞌ. ꞋUzooschum mai chun ooneídanꞌa de za, oomaiꞌ whutaleh. ꞋEt whuz unꞌa za nohni nohghun ꞌalha ꞌuhoontꞌoh. Si syudúlhtsꞌi de, ꞌet de za nohmaiꞌ whutáleh.

ꞋEt si syódulhtsꞌi ꞌinkꞌez sghuni nohyo dizꞌai de, ꞌet ndet hukwaꞌ nahzun-un, ꞌet tsꞌiyawh nohba ꞌet nduwhutanelh.

ꞋAw nohni ꞌutahalhúsulhtel. Si ꞌutáhanóhisdla toohdilh ꞌinkꞌez mai ha nóolhyeh ꞌinkꞌez nohmaiꞌ ꞌilhiz wheni ootꞌeꞌ, ꞌet hukwa ꞌet nenóhnusdla. ꞋEt huwa la sBá ndai la si sooziꞌ gha ootsꞌo hukwa dahni-i, ꞌi la nohgha íyoꞌalh.

ꞋIlhoghun dune duyadanke bukꞌuz dazsai de, ꞌaw ꞌon ꞌun ye búkꞌeoosꞌi-i hooloh.

Mbene la si sgha ꞌuzuschum unline, bumaiꞌ hooloh de, ꞌi ꞌuzooschum butsꞌu haídule. ꞋInkꞌez mbene la bumaiꞌ lhai de, ndai la ꞌutsiꞌ-i bughu wheyoonli-i, ꞌi ꞌet de la ꞌon nus bumaiꞌ lhai ooleꞌ.

Ndi sghuni nohtlꞌa dísꞌai ꞌi ndutni, tsꞌiyawh ꞌilhone ꞌahli whe ntsꞌenꞌa la nohkꞌesiꞌ, whuz unꞌa za lhkꞌeoohsiꞌ.

ꞋInkꞌez mai lhai nohtsꞌu ha núlhyeh de, ꞌet huwa la sBá ꞌen ooba whudóltiꞌ. ꞋEt sgha hodulꞌehne oohleꞌ.

“Soo mai chun ꞌi ꞌustꞌoh ꞌinkꞌez sBá ꞌen mai kꞌet huwunlí-un unli.

Mbene la si syudínda ilohne, ꞌenne ꞌuzooschum kꞌunꞌa kꞌuhídutꞌus ꞌinkꞌez nꞌun hidutulhtꞌoh, ꞌet dugi, ꞌet nduhíntꞌoh. ꞋOhwhi ꞌuzooschum nahidulhdzooh ꞌinkꞌez tsuh hidulhkuk ꞌinkꞌez hidílhkꞌun.

ꞋAndit njan nohdúsni-un, ꞌet whe la be hoonustꞌiꞌ-i, ꞌi be hoonáhtꞌiꞌ de, ꞌet de la hoonáhtꞌiꞌ kꞌet ꞌaw ꞌon ꞌun hóhtꞌeꞌ ꞌaitꞌoh.

SBá ntsꞌenꞌa la sba lhúhizyeꞌ ookꞌúneꞌ zustꞌen ꞌinkꞌez yé skꞌensiꞌ-i, ꞌi cha bulh ꞌístꞌeꞌ. ꞋEt whuz unꞌa za khuni nohtlꞌa disdla-i ookꞌúneꞌ ꞌahtꞌen de, ꞌet de la be nohkꞌesiꞌ-i, ꞌi bulh óohtꞌeꞌ.

ꞋAndit nohdúsni, tsꞌiyawh lhkꞌeoohsiꞌ.

ꞋEnne buloh ꞌahli de, ꞌet daꞌ nohkꞌehootsiꞌ ooleꞌ daꞌ. ꞋEt hoontsꞌi nohni butoh ꞌutáhanóhisdla, ꞌinkꞌez ꞌaw ꞌon ꞌun buloh lháhloh, ꞌet huwa yinka whuduneꞌne nohtsꞌu hudutni.