Popular Bible Verses from Genesis 50

Share

ꞋEt nohni tube hoontsiꞌ hukwꞌunꞌa ꞌusutilelh kꞌunꞌa ꞌusuhla, ꞌet hoontsꞌi Yakꞌusda (Elohim) ꞌen ooba hoonzoo hukwꞌunꞌa ꞌuhoonla, ꞌandit dzin wheni dune lhane hubutisyih ha.

Joseph ꞌubulhni, “Whenulhjut iloh. Yakꞌusda (Elohim) ꞌen la ookꞌedusda wheꞌ duhni?

ꞋEt huwa whenulhjut iloh, nohuzkehyaz cha nohni cha tsꞌiyai be lhanohdutisleh.” ꞋInkꞌez kꞌenaꞌbuninꞌa ꞌinkꞌez soo cho khuni nzoo-i be bubulh yailhduk.

‘ꞋEt Joseph dohniꞌ, “Ntsꞌu tezdudlih, nyulhutsinke buba whunahodolnoh ꞌinkꞌez whe nintaꞌhuntꞌen cha tube hoontsꞌi kꞌunꞌa ꞌunyuhinla, ꞌet huwa mbá ooYakꞌusda (Elohim) ba ꞌutꞌenne, ꞌenne buba whunahoodolnoh.”’” ꞋInkꞌez Joseph intse hiyulh yailhduk whe.

ꞋInkꞌez Joseph dulhutsinke ꞌubulhni, “ꞋAwet datisah, ꞌet hoontsꞌi Yakꞌusda (Elohim) ꞌalha nohtsꞌun nutiyalh ꞌinkꞌez ndi yun chꞌa nanohtalelh, ꞌinkꞌez Abraham, Isaac ꞌinkꞌez Jacob cha yun butsꞌi yooziꞌ-i, whuz nanohtilelh.”

ꞋEt Joseph, Israel buzkeh hitsꞌu nahizya ꞌet ꞌubulhni, “ꞋAlhaꞌ Yakꞌusda (Elohim) nohtsꞌun nutiyalh ꞌinkꞌez ustsꞌun ꞌi njan whuchꞌa naoolelh.”

ꞋEt Joseph dazsai, 110 be yus kꞌut ꞌinkꞌez hizi saꞌ sooꞌ titꞌelh huba lhahidinla ꞌinkꞌez Egypt ꞌet chunkelh ꞌet hitalhtelh ha.