Popular Bible Verses from Genesis 28

Share

Whunilhꞌen nyulh ꞌustꞌoh, ntsꞌoh teninya te, nyulh ꞌutistꞌelh ꞌinkꞌez ndi yun kꞌut nenyutastelh. ꞋEt ꞌawet nghu natisdulh datisnelh la nyudusni-un, ꞌet ꞌawhusla whutsꞌun.”

ꞋInkꞌez whunilhꞌen ndo Moodihti (Yahweh) ꞌen usyin ꞌinkꞌez ꞌutni, “Si Moodihti (Yahweh) Abraham ooYakꞌusda (Elohim) mbá cha ꞌinkꞌez Isaac ooYakꞌusda (Elohim) cha ꞌustꞌoh. Ndi yun ookwꞌut sinti-i ꞌandit ngha tisꞌalh ntsꞌu haindene cha.

ꞋEt Jacob tsꞌe nandzut ꞌinkꞌez ꞌutni, “ꞋAlhaꞌ la Moodihti (Yahweh) njan ꞌet usda ꞌinkꞌez ꞌaw ꞌazi tꞌeoonuzuszun.”

ꞋEt Jacob nahizya whe ndutni, “Yakꞌusda (Elohim) sulh ꞌuntꞌoh de, ꞌinkꞌez ndiz unꞌa ꞌusilhdzun, ꞌinkꞌez tisyalh tsꞌe ꞌutꞌalh-i cha sgha tiꞌalh, ꞌinkꞌez naih be dune tisleh-i cha, ꞌet de sbá ooyoh tsꞌe soo tsꞌihꞌun sdzi dizghel whe whuz natoosjaꞌ, ꞌet de Moodihti (Yahweh) ꞌen sih Yakꞌusda (Elohim) sba ooleꞌ. ꞋEt ndi tse njan nadanꞌa kꞌunꞌa silhtsi, ꞌi Yakꞌusda (Elohim) ooyoh holeꞌ, ꞌinkꞌez ndai sgha ninla, ꞌi whunizyai ꞌon ꞌun (10%) ntsꞌun naꞌóotneh.”

ꞋInkꞌez cha mbene la ntsꞌu haindene ndi yun kꞌut lhez lheꞌuntꞌoh. Lhai whuz unꞌa hutildlaiꞌ, nooꞌ cha ꞌinkꞌez ndaꞌ cha, whuz netihnelh, no cha, nyan ꞌinkꞌez ntsꞌu hainde-un cha, ꞌen gha ndi yun kꞌut dilhtsꞌine, ꞌenne tsꞌiyawh soo hoonzoo-un bugha hóotaltsꞌulh.

ꞋInkꞌez nyo ꞌet booziꞌ huwa dinꞌai, Bethel whulhni, ꞌet keyoh whutsodaꞌ ꞌet Luz huwhutni inleꞌ.