Popular Bible Verses from Genesis 17

Share

ꞋEt Abram ꞌen ꞌilho hooloh whunizyai ꞌon ꞌat ꞌilho hooloh (99) nawhudizut whe, Moodihti (Yahweh) yunalhtsꞌet hainya ꞌinkꞌez ꞌuyulhni, “Yakꞌusda ꞋUkꞌenus ꞋUltus-un (El Shaddai) ꞌustꞌoh, stso inyalh ꞌinkꞌez ꞌaw hoonli nkꞌelhuholhtsꞌit.

ꞋAw ꞌon ꞌun Abram lhunyodutasnelh, nyooziꞌ Abraham nyo dutanelh, lhelhtsꞌun whutꞌenne didoh lhane ꞌenne bubá nyuzusi ꞌet huwa.

ꞋInkꞌez khuni nyun bulh lhadilya-i, ꞌi ꞌet dutaꞌalh ntsꞌu haindene ꞌenne lhanꞌun te, ꞌilhiz wheni ndi khuni lhadutalneh, NYakꞌusda (Elohim) tisleh ꞌinkꞌez ntsꞌu haindene cha.

“ꞋEt si whunilhꞌen, khuni ntsꞌun lhadusla-i ꞌudun keyoh whutꞌenne dune lhane ꞌenne bubá tanleh.

ꞋEt Yakꞌusda (Elohim) ꞌutni, “ꞋAwundooh Sarah nꞌat nyeꞌ nghu tilhtsi ꞌinkꞌez Isaac dutanelh. Sghuni lhadusla-i ꞌilhiz wheni ꞌen cha ootsꞌun lhadutisleh, mbene la ootsꞌu haindene hukwꞌelhꞌaz ꞌenne cha.

ꞋInkꞌez cha nyun cha ꞌinkꞌez ntsꞌu haindene nkꞌelhꞌaz, ndi yun nohgha nusꞌai, ꞌawhuz ꞌet tꞌenyuzinzun, Canaan yun tsꞌiyawh nohchꞌeꞌ ooleꞌ ꞌilhiz wheni, ꞌinkꞌez buYakꞌusda tisleh.”

ꞋEt Abraham yubut nachanitno ꞌinkꞌez udloh ꞌinkꞌez dudzi yo tsꞌe ꞌutni, “Dune 100 be yus kꞌut soo toleh ooyeꞌ whutaleh? ꞋInkꞌez Sarah ꞌen cha 90 be yus kꞌut soo tilah ooyaz holeꞌ?”

ꞋEt Yakꞌusda (Elohim) Abraham ꞌuyulhni, “Nꞌat Sarai dini-un ꞌet ꞌetsul ꞌudonih ꞌinkꞌez Sarah ꞌi booziꞌ tileh.

Nyunchꞌoh cha ooka dune inli-i nyo titꞌus, ꞌet huwa tꞌentihdzeh ndi khuni lhadilya-i nyun, si bulh.

ꞋEt hoontsꞌi ndi sghuni Isaac tsꞌun lhadutisleh. Sarah ndo whuya whudizulh nat de, ꞌet nyeꞌ tileh.”

Mbe la lhkꞌudidzin be yus kꞌut suliꞌ-un, ꞌen cha hititꞌus. Duneyaz ꞌandit whuzdline nyoh whuzdline, kꞌus sooniya be dune tꞌenuzuhzun tsꞌun ꞌohket-un tsꞌoodun ntsꞌu hainde lhilohne, ꞌen cha. Mbe la nyoh whuzdline ꞌinkꞌez mbe la sooniya be ohketne, tsꞌiyawh ka dune unli-un hubotitꞌus, ndi sghuni ntsꞌun lhadusla-i nus whe lhkꞌelhꞌaz te ꞌet ndi ꞌi gha ꞌilhiz wheni be hoodutahtꞌen.