Popular Bible Verses from 2 Corinthians 4

Share

Tsꞌiꞌen-i, ꞌi neba ꞌantsꞌi unli. ꞋAw lhtsꞌisꞌen-i, ꞌi za neba tsꞌihꞌun ꞌuntꞌoh. Tsꞌiꞌen-i, ꞌet ꞌatsulyaz neba whutátꞌelh ꞌet huwa. ꞋEt hoontsꞌi lhístꞌen-i, ꞌi ꞌilhiz wheni ꞌuntꞌoh.

ꞋEt huwa ꞌetsul lheꞌtsꞌoone. Neyustꞌe whénilhjut ꞌet hoontsꞌi neyughi unli-i, ꞌi dzin totsuk ꞌandidi nadleh. ꞋEt ndet la hóontsiꞌ-un neghá whunkat-un, ꞌet ꞌatsulyaz za neba ꞌuwhutꞌih ꞌet huwa. ꞋEt neba ꞌantsꞌi leꞌ ꞌuhoontꞌoh. ꞋEt kꞌus ndi be hóontsiꞌ-un neghá whunkat, ꞌet ꞌi be ꞌon nus neba be óodiztiꞌ-i neba yulhtsi. ꞋInkꞌez ndi be óodiztiꞌ-i, ꞌilhiz wheni ꞌuyínla.

Tsꞌiyaitsuk hoontsiꞌ-un netsꞌó tukat ꞌet hoontsꞌi ꞌaw nechꞌaꞌ oodeh ꞌaitꞌoh. Tube whetsꞌíntsaz ꞌet hoontsꞌi ꞌawhuz uznintꞌi zaꞌ tsꞌintꞌoh. Whuloh te nechꞌa neꞌwhutꞌen ꞌet hoontsꞌi Yakꞌusda ꞌaw nela dootnih ꞌaitꞌoh. Khuni be nanéhulhdulh de, ꞌet hoontsꞌi ꞌaw nechꞌaꞌ oodeh ꞌaitꞌoh.

ꞋEt beꞌ tilalh-i lhadzeh be ꞌulya, neyustꞌe ꞌet whuz unꞌa ꞌúntꞌoh. Ndi ye hoonzoo ꞌuntꞌoh-i tsꞌutꞌi-i, ꞌi Yakꞌusda negha ininla. ꞋAw whenichꞌoh nechꞌeꞌ iloh. ꞋEt Yakꞌusda ootsꞌu haíyankat-i ꞌuntꞌoh, ꞌaw wheni netsꞌu haínkat iloh.

Ooba ꞌalhaꞌ lheꞌhóotꞌohne ꞌuhintꞌoh. ꞋInkꞌez ndi yun kꞌut whuyakꞌusda, dudeni be lhuhoos̱ꞌen ꞌubulhtsi. ꞋEt whula gha tsꞌe Christ ooghuni unzoo-i yé diztiꞌ-i, Christ, ꞌen Yakꞌusda kꞌéguz-i, ndai la ootsꞌu há yanduz-i dudeni be lhuhoos̱ꞌenne doo ka si dudedodi huninzun.

ꞋEt Yakꞌusda tsahólhgus be hootꞌen-i yukaꞌ daniꞌ ibulh hootꞌen suliꞌ. ꞋEt Yakꞌusda yé diztiꞌ-i ghun tꞌezninzun-i, ꞌi neba be hóotꞌen-i whe ꞌuntꞌoh. ꞋEt ꞌi nedzi bé dindi. ꞋInkꞌez ndi yé diztiꞌ-i, ꞌi Jesus Christ oonin ootsꞌu ha yánduz whe ꞌuntꞌoh.