Popular Bible Verses from Mareko 13

Share

E ‘inosia fo‘i ‘outou e tagata uma ‘ona o lo‘u igoa; a o lē tumau se‘ia o‘o i le i‘uga, e fa‘aolaina lea.

‘Ia ‘outou, ‘inā mataala ia, auā tou te lē iloa pe o‘o mai afea ia aso.

Pe a latou ta‘ita‘iina ma tu‘uina atu ‘outou, ‘aua ne‘i ‘outou popole i se ‘upu tou te tautala atu ai, a o‘o mai le taimi, ‘ia ‘outou tautala atu le ‘upu ‘ua foa‘iina atu ‘iā te ‘outou. Auā o ‘upu tou te tautala atu ai e lē mai a ‘outou lea ‘ae mai le Agaga Pa‘ia.

E mavae atu le lagi ma le lalolagi; ‘ae peita‘i o a‘u ‘upu, e lē mavae lava ia.

“A o lea aso ma lea itū aso e lē iloa e se tasi, e lē iloa lava e agelu i le lagi, po o le Atali‘i; ‘ua nā o le Tamā lava.

Pe a tou fa‘alogo i tau‘a ma tala o tau‘a, ‘aua tou te atuatuvale; auā e tupu lava ia mea; ‘ae le‘i o‘o i le gata‘aga.

O lea, ia mataala ai ‘outou; auā tou te lē iloa po o afea e sau ai le ali‘i o le ‘āiga, po o le afiafi, po o le tautuluaga o le po, po o le vivini o moa, po o le taeao, ne‘i fa‘afuase‘i ‘ona sau, e maua mai ‘outou o momoe. O le mea ‘ou te fai atu ‘iā te ‘outou, ‘ou te fai atu ai i tagata uma. ‘Inā mataala ia.”

Auā e si‘i le tau‘a e le tasi nu‘u i le tasi nu‘u, o le tasi mālō fo‘i i le tasi mālō; e i ai fo‘i mafui‘e i lea mea ma lea mea, e i ai fo‘i oge; o amataga ia o puapuagā

‘Ia mua‘i tala‘iina fo‘i le tala lelei i nu‘u uma lava e ao ai.

Auā e to‘atele ē ō mai i lo‘u nei igoa, ma fa‘apea ane, ‘O a‘u o ia,’ latou te fa‘asesēina fo‘i tagata e to‘atele.

“‘Ia ‘outou ‘iā te ‘outou; auā e tu‘uina atu ‘outou e i latou i fono, ma sasaina ‘outou i sunako, e tutū fo‘i ‘outou i luma o ali‘i ma tupu ‘ona o a‘u, e fai ma molimau ‘iā te i latou.

Auā e tutū mai Keriso pepelo, ma perofeta pepelo, ma latou faia fa‘ailoga ma vāvega, ‘ina ‘ia fa‘asesē ai ē ‘ua filifilia lava, pe ‘āfai e mafai ai.

“O aso fo‘i ia pe a mavae atu lenā puapuagā, e fa‘apogisāina ai le lā, e lē susulu mai fo‘i le masina, e pa‘u‘ū mai fetū o le lagi, e lūlūina fo‘i ‘au o le lagi.