Popular Bible Verses from Ioane 3

Share

“Auā ‘ua fa‘apea lava ‘ona alofa mai o le Atua i le lalolagi ‘ua ia ‘aumai ai lona Atali‘i e to‘atasi, ‘ina ‘ia lē fano se tasi o ē fa‘atuatua ‘iā te ia, a ‘ia maua e ia le ola e fa‘avavau.

“Auā e le‘i ‘auina mai e le Atua lona Atali‘i i le lalolagi ‘ina ‘ia fa‘asala i le lalolagi, a ‘ia fa‘aolaina le lalolagi ‘iā te ia.

‘Ua tali atu Iesu, ‘ua fa‘apea atu ‘iā te ia, “E moni, e moni, ‘ou te fai atu ‘iā te oe, a lē toe fānau le tagata, e lē mafai ‘ona iloa e ia le mālō o le Atua.”

O lē fa‘atuatua ‘iā te ia, e lē fa‘asalaina o ia; a o lē lē fa‘atuatua, ‘ua uma ‘ona fa‘amasinoina nei lava o ia, auā e le‘i fa‘atuatua lava o ia i le igoa o le Atali‘i e to‘atasi o le Atua.

O le fa‘amasinoga fo‘i lenei, ‘ina ‘ua o‘o mai le malamalama i le lalolagi a o tagata, e sili lo latou mana‘o i le pouliuli i lo latou mana‘o i le malamalama; auā e leaga a latou amio.

E ao ‘ina tupu pea o ia; peita‘i a‘u nei, e tauāu ‘ina itiiti o a‘u.”

Auā o i latou uma o ē fai mea leaga e ‘ino‘ino i latou i le malamalama, e lē ō mai fo‘i i le malamalama, ne‘i fa‘ailoa a latou amio.

O lē fa‘atuatua i le Alo, ‘ua ‘iā te ia le ola e fa‘avavau; a o lē lē fa‘atuatua i le Alo e lē iloa e ia le ola, a o le to‘asā o le Atua o lo‘o tumau lava i ona luga.

E pei ‘ona si‘itia i luga e Mose o le gata i le vao, e ao ‘ina fa‘apea ‘ona si‘itia i luga o le Atali‘i o le tagata

E alofa le Tamā i le Alo, ‘ua tu‘u mai fo‘i mea uma i lona ‘a‘ao.