Popular Bible Verses from Ioane 16

Share

‘Ua ‘ou fai atu nei mea ‘iā te ‘outou, ‘ina ‘ia ‘outou maua le manuia ‘iā te a‘u; e maua fo‘i ‘outou o le puapuagā i le lalolagi, a ‘ia ‘outou loto tetele, auā ‘ua ‘ou manumālō i le lalolagi.”

‘Ae a maliu mai o ia, o le Agaga lea e tupu mai ai le ‘upu moni, e ta‘ita‘i e ia ‘iā te ‘outou i ‘upu moni uma; auā e lē tautala fua o ia na o ia, a o mea uma e fa‘alogo i ai o ia, e tautala ai lava, ma fa‘ailoa mai ‘iā te ‘outou mea e o‘o mai.

‘Ua o‘o mai nei lava tou te le‘i ole atu i se mea i lo‘u igoa; ‘inā ole atu ia, ‘ona ‘outou maua ai lea, ‘ina ‘ia ‘ato‘atoa ai lo ‘outou ‘oli‘oli.

‘Ae peita‘i a‘u, o le ‘upu moni lava ‘ou te fai atu ai ‘iā te ‘outou, e aogā ‘iā te ‘outou pe a a‘u alu ‘ese; auā ‘āfai ‘ou te lē alu ‘ese, e lē maliu mai le Fesoasoani ‘iā te ‘outou; ‘ae ‘āfai ‘ou te alu, ‘ou te ‘auina mai o ia ‘iā te ‘outou. A maliu mai fo‘i o ia, na te fa‘ailoa atu i le lalolagi le agasala, ma le amiotonu, ma le fa‘amasinoga.

O lenei fo‘i, ‘ua maua nei ‘outou e le fa‘anoanoa; ‘ae tatou te toe feiloa‘i ma a‘u, ‘ona ‘oli‘oli ai lea o ‘outou loto, e lē ‘ave‘eseina fo‘i e se tasi lo ‘outou ‘oli‘oli. “O lea aso tou te lē toe fesili mai ai ‘iā te a‘u i se mea e tasi. E moni, e moni, ‘ou te fai atu ‘iā te ‘outou, o mea uma tou te ole atu ai i le Tamā i lo‘u igoa, e foa‘i mai e ia ‘iā te ‘outou.

E moni, o moni, ‘ou te fai atu ‘iā te ‘outou, e tagi ‘outou ma taufaitagiauē, ‘ae ‘oli‘oli le lalolagi; e tigā ‘outou, ‘ae liua lo ‘outou tigā ma ‘oli‘oli.