Popular Bible Verses from Ioane 15

Share

“O a‘u nei o le vine, o la ‘outou. O lē tumau ‘iā te a‘u, ma a‘u ‘iā te ia, o ia lava e fua tele mai; auā e lē mafaia e ‘outou ‘ona fai se mea e tasi pe a a‘u lē i ai.

‘Inā tumau ia o ‘outou ‘iā te a‘u, o a‘u fo‘i ‘iā te ‘outou. Fa‘apei o le la e lē mafai ona fua pe a na o ia, pe ‘āfai e lē mau i le vine; e fa‘apea fo‘i ‘outou, pe ‘āfai tou te lē tumau ‘iā te a‘u.

‘Āfai tou te tumau ‘iā te a‘u, e tumau fo‘i a‘u ‘upu ‘iā te ‘outou, o mea uma lava tou te manana‘o i ai, tou te ole atu ai, ‘ona faia lea mo ‘outou.

Tou te le‘i filifilia a‘u, ‘ae na ‘ou filifilia ‘outou ma ‘ou tu‘uina atu ‘outou, ‘ia ‘outou ō ma ‘ia ‘outou fua mai ni fua, ma ‘ia tumau o ‘outou fua; ‘ina ‘ia foa‘iina atu ‘iā te ‘outou e le Tamā mea uma lava tou te ole atu ai ‘iā te ia i lo‘u igoa.

E lē sili lava le alofa o se tasi i lenei alofa, ‘ia tu‘uina atu e se tasi lona ola e sui ai ana uō.

O la uma lava o ‘iā te a‘u e lē fua, e ‘ave‘eseina e ia; a o la uma e fua, e teuteu e ia, ‘ina ‘ia fua mai ai atili.

“O la‘u poloa‘iga lenei, ‘ia ‘outou fealofani, pei ‘ona ‘ou alofa atu ‘iā te ‘outou.

E vi‘ia lo‘u Tamā i lenei mea, pe a ‘outou fua tele mai; ‘ona fai ai lea ‘outou mo‘u so‘o.

“O a‘u nei o le vine moni, a o lo‘u Tamā o lē galue vine ia.

‘Āfai e lē tumau se tasi ‘iā te a‘u, ‘ona lafoa‘iina lea i tua pei o le la la‘au, ma fa‘amagoina ‘ona fa‘apotopotoina ai lea e tagata, ma lafo i le afi, ‘ua susunu ai.

‘Ua ‘ou fai atu nei mea ‘iā te ‘outou, ‘ina ‘ia tumau ai lo‘u ‘oli‘oli ‘iā te ‘outou, ‘ia ‘ato‘atoa fo‘i lo ‘outou ‘oli‘oli.

‘Āfai tou te tausia a‘u poloa‘iga, ‘ona tumau lea o ‘outou i lo‘u alofa; pei ‘ona ‘ou tausia poloa‘iga a lo‘u Tamā, ma ‘ou tumau i lona alofa.

O la‘u poloa‘iga lenei ‘iā te ‘outou, ‘ia ‘outou fealofani.

‘Āfai a ni tagata o le lalolagi ‘outou, po ‘ua alofa mai le lalolagi i ona tagata; ‘ae lē ni o le lalolagi ‘outou, a ‘ua ‘ou filifilia ‘outou nai le lalolagi, o le mea, lea e ‘ino‘ino ai le lalolagi ‘iā te ‘outou.