Popular Bible Verses from 1 Peteru 5

Share

‘Ia tu‘uina atu ‘iā te ia mea uma tou te popole ai, auā o lo‘o manatu mai o ia ‘iā te ‘outou.

A o le Atua e ona le alofa tunoa uma lava, o lē na vala‘auina i tatou ‘ia i‘u atu i lona mamalu fa‘avavau o ‘iā Keriso, pe a tigāina ‘outou i nai aso, e fa‘a‘ato‘atoaina ‘outou e ia lava, ‘ia fa‘atumauina, ‘ia fa‘amalosia fo‘i ‘outou.

‘Ia ‘outou fa‘autauta, ‘ia ‘outou mataala, ‘ona o lē ‘ua fai ‘outou mōna fili, o le tiapolo lea, o lo‘o fealualua‘i o ia e pei o se leona tagi, ‘ua sā‘ili se tasi e ‘aina e ia. ‘Ia ‘outou tete‘e atu ‘iā te ia, ma ‘ia mausalī ‘outou i le fa‘atuatua, ‘ina ‘ua ‘outou iloa o lo‘o ‘o‘ono lo ‘outou ‘au uso o i le lalolagi i ia lava mea tigā.

O le mea lea ‘ia fa‘amaulalo ai ‘outou i lalo o le ‘a‘ao malosi o le Atua, ‘ina i‘a fa‘amaualugaina ‘outou e ia i ona pō e tatau ai.

‘Ia fa‘apea o ‘outou o ē talavou, ‘ia usiusita‘i i toeaina; ma ‘ia ‘o‘ofu ‘outou uma i le loto maulalo o le tasi i le tasi; auā “E tete‘e atu le Atua i ē fa‘amaualuluga, ‘ae foa‘iina mai le alofa tunoa i ē fa‘amaulalo.”