Popular Bible Verses from Rum. 14

Share

Kame Yus umirkatin yurumátniuja̱i̱sha umartinji̱a̱i̱sha enentáimtuschatniuiti. Antsu Yusa Wakaní̱ji̱a̱i̱ shiir wekasar Yusja̱i̱ tura shuarja̱i̱ nawamnaikiar tí peṉker wekasatniuitji. Ashí shuar Krístun núnis umireakui Yussha tura chíkich shuarsha péṉker enentáimtuiniawai.

Kame iwiaaku pujakrisha ii Uuntri̱ Kristu shiir awajsatai tusar pujurji. Tura jáakrisha tuke Níniuitji. Nu asamtai iwiaaku pujakrisha tura jakarsha tuke Krístunuitji.

Nu asamtai tuke shiir pujusminia nu túrakur Yusja̱i̱ kakaram ajastin yáiniaiktai.

Nu asamtai “yajauch túriniaiti” tu áujmatnaisashtiniaitji. Antsu ii yachi̱ tunaanum aju̱a̱rchatin ti enentáimturtiniaitji.

Nu asamtai Yus Papinium tawai “Wi nekas iwiaaku pujá asan ashí Winí̱ tikishmátrurartatui. Tura ashí ‘Yus asa tuke péṉker túriniaiti’ turutiartatui” tawai. Tuma asamtai iisha chikichik chikichik ashí ii túramu Yus paant ujakártatji.

Shuar Yusan ishichik enentáimtana nu itiaatarum tura kakantrairap.

¿Ámeka timiataash péṉkeraitiam chíkich shuar kakantinia? Antsu ni úuntri̱n ni péṉker túramuncha tura yajauch túramuncha íischatniukait. Enentáimprata. Yus kakaram asa nin péṉker awajsámniaiti.