Popular Bible Verses from Mar. 6

Share

Tura untsurí shuar táiniakui nisha aṉkant ajastinniasha yurumátniuncha tujintkiarmiayi. Tuma asamtai Jesus chichaak “Iiji̱a̱i̱ wemí aents atsuiniamunam nui̱ ishichik ayamprarmi” tímiayi.

Túrasha Jesus nin chicharuk “Yúsnan etserniun chíkich nuṉkanmaya̱ṉka shiir anturainiawai. Antsu ní nuṉke̱ya̱ṉka ní shuarsha anturainiatsui” tímiayi.

Jesus kanunmaya̱ jiinkí̱ ti untsurí aents iruntrar matsatun wainkiamiayi. Murik péṉker wáinchatai̱ya núnisaṉ matsatu ásarmatai Jesus nin wáitnentrarmiayi. Tura núkap unuiniararmiayi.

Tura nui̱sha ni nuṉke̱nkikia aentsti tujintiamun túratniun tujintkiamiayi. Antsu jaancha aya ishichik ni uwejé̱ja̱i̱ antiṉ tsuármiayi. Tura nekas enentáimtacham “¿urukamtai nusha?” tu enentáimsamiayi. Nuya̱sha chíkich péprunam wayá̱ chíkich péprunam wayá̱ Yus Chichaman unuiniakní̱ wekaimiayi.

Jesuska seṉku páṉkan jímiar namaknasha jusa yakí̱ nayaimpinmaani̱ íimias Yusan yumiṉsamiayi. Tura yurumkan púurmiayi. Puur ni unuiniamuri̱n súsarmiayi. Namaknasha puur súsarmiayi ashí shuaran ajamsarat tusa. Ashí yurumáwar ejemararmatai puunaruncha namak ampirmancha achikiar tuse chaṉkinian áimkiar júkiarmiayi.