Popular Bible Verses from Mar. 2

Share

Jesus nuna antuk chichaak “Jaatsna nuka tsuákratniun atsumainiatsui. Antsu jaana nuka tsuákratniun atsumainiawai. Warí ‘péṉkeraitjiai’ tuinia nú shuaran untsuktajtsan táchaitjiai. Antsu ‘tunaitjiai’ tuinia nú shuaran Winia ajasat tusan untsuktajtsan táwitjiai” tímiayi.

Tura nisha Jesus nekas tsuarattawai tu enentáimmiari̱n Jesus nekáa emearun chicharuk “Uchiru, ame yajauch túrutairmeka tsaṉkuramuiti” tímiayi.

Ayampratin tsawantai̱ túrashtinian umirkashtimpiash tusa Yuska aentsun najanachmiayi. Antsu aents ayamprarat tusa Yus ayampratin tsawantan tesamiayi.

Tura jeawar untsurí aents írunu asamtai je̱á̱ waya̱tniun tujintkiarmiayi. Tuma ásar yakiini̱ wakar je̱a̱ áaṉkawar tampunam ni amikri̱n Jesus pujamunam itiararmiayi.

Wats wi Aents Ajasu asan Yusa kakarmari̱ji̱a̱i̱ shuara tunaarí̱ tsaṉkuramniaitjiana nuna paant iwiaintiuktatjarme” tímiayi. Nuna tinia emearun chicharuk “Wajaktia tájame túram tampuram jukim je̱e̱miin wetá” tímiayi.

Emearu, yajauch túrutairam tsaṉkuramuiti títinji̱a̱i̱ emearu, wajakím tampuram entsakim wekasata títinji̱a̱i̱ ¿túa imiá yúpichuchit?

Nu chichamaik emearu wajaki̱ tampuri̱n jukí̱ ashí iimiainiamunmaṉ jiinkimiayi. Nuna túrunamtai ashí iit iit ajarmiayi. Tura “jútikiamu peṉké wáinchaitji” tiar Yusa náari̱n uunt awajsarmiayi.