Popular Bible Verses from Ruk. 8

Share

Tura jiṉkiái péṉker nuṉkanam iniaaru tana nuka shuar antuk umiinia nuna nakumui. Nisha antukarmia nuna péṉker enentáimtusar yawe̱tsuk umirkar tí peṉker nerenawai.

Jaṉkiniam iniaaru tana nuka tuke enentáiji̱a̱i̱ umíatsna nuna nakumui. Nu shuarsha ántuiniawai túrasha ni wakeramuri̱ji̱a̱i̱ wekainiawai. Ju̱ nuṉkanmaṉ ana nuna tí pachiniakui tura kuítian ti wakeruiniakui, warastinniak enentáimtuiniakui Yus Chicham ni enentái̱n takaatsui. Nuja̱i̱ kaṉkarma ásar nerektinian tujintiainiawai.

Kayanam iniaaru tana nuka shuar antuk waras umíana nuna nakumui. Tura nú shuar kaṉkape̱ atsá asamtai ishichik tsawantini̱ṉ umikiar itiurchatan wáinkiar wárik kanainiawai.

Nuyá̱ ni unuiniamuri̱n chicharuk “¿Urukamtai Winia enentáimtursachuram?” tímiayi. Tura nisha ashamainiak ti enentáimprar “¿Ausha warí áishmaṉkait? Nasesha entsasha Ni chicharkam umirainiatsuk” tiármiayi.

Jintiá iniaaru tana nuka shuar aya ántana nuna nakumui. Yusan nekas enentáimtus uwempracharti tusa íwianch wárik taa nu chichaman ni enentái̱ya̱n júawai.

Núnisaṉ ashí nekaachma ana nu paant átatui. Tura u̱kma ana nu nekanattawai. Tura iwiainiakma átatui.

Nuyá̱ nu nuwa̱sha nekarayapi tusa kuraṉki̱ taa Jesusa nawe̱n tikishmátramiayi. Tura ashí aents ántuiniamunam urukaku antiṉkia tura itiura wárik péṉker ajasmia nuna ujakmiayi. Nui̱ṉkia Jesus nuwa̱n chicharuk “Nawantru, shiir wetá. Winia nekas enentáimtursa asam péṉker ajasume.”

Túram nuiṉkia Jesusan ishintiainiak “Uuntá, iisha entsá waya̱a̱ji” tiármiayi. Nuiṉkia Jesus nantaki̱ nasencha entsancha chicharkamiayi. Nú chichamaik nasesha meṉkakamiayi tura entsasha miaaku ajasmiayi.