Popular Bible Verses from Jiin. 13

Share

Israer shuar wénakui tsawai̱kia yuraṉkim wajaimiunam Uunt Yus eem we wémiayi. Tura káshikia ji keek wajái̱ tsáapin awajtúsam tsawai̱sha káshisha tuke wekasamnia ármiayi. Tura tsawai̱kia Israer shuar wénamunam yuraṉkim tuke eem we wémiayi. Núnisaṉ káshikia ji kee wémiayi. Túmak ikiucharmiayi.

Tura Parauṉ Israer shuaran akuprámia nui̱ṉkia Yuska Jiristíu nuṉke̱ni̱ wétinkia tíjiu̱ch ai̱ṉ nuni̱ṉkia yaruakcharmiayi. Kame mánaiktinian nakitiáiniak ataksha Ejiptunam waketkiara̱i̱ṉ tusa Uunt Yus túramiayi.

Antsu Yuska Israer shuaran naka júutsuk jintia téntakir wetai kampuntin atsunum Kapantin nayantsanmaani̱ yaruakarmiayi. Tura Israer shuarsha Ejiptunmaya̱ jíintrar mesetnum wénak iwiarnakarua tímiatrus ashinkiarmiayi.