Popular Bible Verses from 1 Tim. 2

Share

Aya chikichik Yus awai. Tura Jesukrístu aents ajas niṉki Yusja̱i̱ aentsun nawamnaimtikiartiniaiti. Ashí shuara tunaari̱n akikmatkataj tusa jákatniunam Jesukrístu surumakmiayi. Tura tsawant jeamtai nu chicham ashí shuarnum etsernaktiniuyayi.

Wátsek, emka seajrume Yus áujeakum Yus yumiṉsam ashí shuaran yaintkiat tusam áujtusarta. Imiatkinchanum pujusár Yúsja̱i̱sha tura áentsja̱i̱sha shiir túratai tusar tura ashí akupin ainia nusha péṉker akupkarat tusar Yus áujtustiniaitji.

Nu asamtai áishmaṉka kajetsuk yajauch tunaitsuk antsu péṉker enentáiji̱a̱i̱ uweje̱ takuiniar Yusan áujsarti. Núnisaṉ núwa̱ka iwiarmamuk nekasmiancha péṉker enentáiji̱a̱i̱ entsararti. Chíkich shuar nu nuwa̱n iis temashmarmari̱ncha, shaukri̱ncha, kurimkiamuncha, iwiarmampramuri̱ncha núnaka enentáimtutsuk antsu ni péṉker túrunamun enentáimtusarti. Núnisaṉ áchatniukait nuwa̱ Yus shuar ainia nuja̱i̱. Ni péṉker túramuja̱i̱ nekas shiir awajmámsashtinkiait.