Popular Bible Verses from MAREKO 9

Share

O Jesu ki vi: “I monari, manga vi pe asa tangago! Ki mareha ta na marâ, vi ge asa tanga na enoni, i nahunia na tongesuriha.”

O vaemana na kare ki parama, ma ki tamasi raha, ki vi: “Inê kê nahunia na tongesuriha, ma ki sisite ma. Gu hagaraha na tongesuriha iaku! U tamaniê!”

I murina i banu i ruma o Jesu, na kariana ka hagatea, ka vi: “I hega, kani gami pe girara, vi gami paia na ataro?” O Jesu ki aramira, ki vi: “Na nunginungiha ma kani girara, i paira na ataro manga na ani ngekê, mareha vi ta na marâ getea.”

Na asi ki na marâ koro tanga na ngêra. Ma ki manga i pe marasiga, manga i he kani page marasiga aporo na asi? I gâga na hekomaniha i pasimi kani i koro, manga na ngêra i marasiga renia na asi, ma igamu kamu hekorokoro.”

“Na enoni i unira banu na kare manga na ani ikê reniê inê, ngaia ki uniê banu nogaku inê, ma na enoni, i uniê banu nogaku inê, ngaia ki pe uniê banu ma inê, ma nikâ hete na ani, i bani hagatorangeniê.”

Hoita, mu rongo! Na enoni, i hagatonomigamu renia na ve, suria vi igamu ki na kariana o Kirisito, ngaia ki page nahunia na mena koro renia.

“Bâsira na kare igê ka tongesuriê. Manga ta na enoni, ma ki hagesuria bera na hitangita na kare ngegê, ngaia ki araria ma, ga baroa i riona na hê raha ma ka kunia i asi.

Ma ki manga igo, ma ko tasitasi renia na maamu, akangia râ! I ararigo, vigo rongoa na tamasinga iana God igê na Arahanga iana, matena go nahunia na maamu gi tage, ma ki pe ararigo vi gu nahunirerua na maamu gi rua, ma ke kasigo igê na agua ni hagaitangiha.