Popular Bible Verses from LUKA 8

Share

Ma na maani, ga vota so igê na mako koro, ngaira ka na enoni, ga rongoa na taroha ma ka têa maninga, ma ka râ suria ki bê ki arâ, mataro me ka hunguhungu bâkoro.

Na maani, ga vota so i gupuni na tone, ngaira ka na enoni, ga rongoa na taroha; ma ngaira ka takoha bâraha ma renigi na marâ ni maveta, ma ka vanasigi na ruruguha, ma ka tenigi rako na marâ getigi. Na marâ hato ngegana ka heboroge i obata, ma ka rubuhia na taroha, ma ngaira ka takataka anunu.

Na maani, ga vota so igê na mako i bêratega, ngaira ka na enoni, ga rongoa na taroha ma ka têa ma ka vagevage renia. Ma ki asa, vi ge tâ tonge i obata; ngaira ka tongesuria igê na kere matena abubu ma, ma ka kasia râ, matena i tarahura na heuhungiha.

Ma hemuri ngaia ki vi tangara na kariana, ki vi: “I he na tongesuriha iami?” Ma ngaira ka konekone ka magu, ma ka hetamatamasi, ka vi: “Vania kini noga? Ngaia ki bonasirerua na roga ma na navo, ma ngairerua karu râ suria na tamasinga iana!”

Na maani, ga vota so i tara, ngaira ka na enoni, ga rongoa na taroha; ma Satana ki râ me ma ki torea vê na taroha tenigi na aitangihata, hanana vi siana ngaira ka tongesuria ma ka tahitahi.

Na ara ni marâ, ga oga pinihi, ka page nakagi mave, ma na ara ni marâ, ga aba, ka page gagatenigi ma ka nakagi mave.

Na gete ki girara, ga sugi tarahua, vi ngaia. Tahema ngaia ki tata ki râ me, ma ki aba so i maana o Jesu. Ma i ngekana, i maata na enoni hato, ngaia ki hagarongoa, vi suria i hega kani hataria, ma ki tanu hega kani komaga ototo râ nga. O Jesu ki vi tanga, ki vi: “Kareku, na tongesuriha iamu ki hagakomagago. Gu arâ ma ko mauru koro.”

Na kariana ka râ ka hagaritea o Jesu, ka vi: “Araha, Araha! Sugia ma ge meme!” O Jesu ki aharaga, ma ki bonasirerua na roga ma na navo aputaputa karu so, ma ki piova ngavê.