Popular Bible Verses from LUKA 6

Share

Mu mahata tangara na enoni, ma God ki page mahata tangagamu: igamu kamu page tavoa na apira, i vunu bâkoro, ga bani piringia, ma ka bani kâkâa, ma ki vunu ahaharê, ma ka karangia huria na tuguni, mu roha i rimami. Na tarani mu katora na enoni renigi, God ki page katogamu nogami renigi.”

Na enoni koro ki tavogi hura na marâ koro tenia na korohana i na aitangihana; ma na enoni era ki tavogi hura na marâ era tenia na erahana i na aitangihana. Na enoni ki tamasia na marâ, suria i gonea na aitangihana.

Mareha vê! I tuguhigamu, mu takuira na merongami ma kamu komanira. I tuguhigamu, mu hagaba, ma siana kamu naasia na baruna. Na vuriha tangagamu ki page raha teha, ma igê na tarana ngekana igamu kamu vora re na karena God, na Araha i teha. Renia ngaia ki komanira na enoni, ga pe visia koro, ma na enoni era.

I tuguhigamu, mu takuira na enoni, tagenana manga God Vaemami i takuira.

“Siana kamu surira na enoni, hanana God ki pe surigamu nogami. Siana kamu tugurira na enoni, hanana God ki pe tugurigamu nogami. Mu bonotenigi na eraha iata na enoni tangagamu, hanana God ki bonotenigi na eraha iami.

“Ma be vi tangagamu na enoni, mu karingê: I tuguhigamu, mu takuira na merongami ma kamu komanira na enoni, ga kitenigamu. I tuguhigamu, mu visira koro na enoni, ga visigamu bera, ma kamu nunginungi tangara na enoni, ga merongasigamu.

Mu tanugi tangara na enoni getera na marâ, mu obanira nogami, vi ga tanugi tangagamu.

Manga ta na enoni, ma ki bahitaria na parimu, go naka ki bahitaria nikâ ta parimu. Manga ta na enoni, ma ki torea tenigo na tuguni iamu, go naka, ki torea tenigo nikâ na gahu iamu. Manga ta na enoni, ma ki nungia tenigo ta na marâ, i koro, ko vatea. Ma na matena ta na enoni ki torea tenigo ta na marâ iamu, siana ko nungia aporo tenia.

“I asa na apinige koro, vi ge hungu renigi na guani era. Ma ki asa na apinige era, vi ge hungu renigi na guani koro.

Na ara ni apinige ka bâbâgirara suria na guana. I asa, vige husigi na guani na apinige na fiki tenigi na tone, se na guani na vaini tenigi na kareagani na apinige kakaruga.