Popular Bible Verses from ISAIA 9

Share

Na kare ki vora me tangagia! Ga page hêtana vi “Maneraha ni takoha mataha”, “Araha raramohaga hunia”, “Vaemaka tare”, “Maneraha ni ramana”.

Na enoni, ga arâ igê na roto hono, ka bani rigia na marara raha. Na marara ki mavesira na ani, ga oga igê na agua ni mengo.

Na raramohana ki ama ni raharaha nga igê na ramana, i asa, vige page hato. Ngaia ki page maneraha urusina o Tavite. Na koroha ma na otoha ka na hunana na arahanga iana i tahegê i rikini, ki bê ki arâ. Na Araha raramohaga hunia ki togeaga, ki katokato vikana.

Na gi ki page ngaugi na buti ma na gahu gagapuga iata na mane ni me, ga taharira na kariaku.

I nago God ki hagamakira na raraha hegetigi iaterua o Sebuloni mo Napatali, ma hemuri me ngaia ki page hagahigasira i tahegê na apanena tarê na ve i Jotano kerekê mataro me na asi i kereso, ma i Galilea nikâ, ga oga igê na enoni, ga pe Siu.

Araha, igo ko bani hagakoro obata ngavê, ma i ngekê ngaira ka vagevage bâraha. Ngaira ka vagevagesigi na korohamu, mangara na enoni, ga vagevagesigi na harisi iata, se matena ga tonganigi na ruruguha, ga henahuraugi.

Igo ko bani musigi râ na varo, ga rakura re, ma ko bani barugigi na mata ma na apinige, ga ramusira ma ka hagamamasiagara renigi. Igo ko bani teharira na merongata na kariamu, manga i nago go bani teharira igê na me i Mitiani.