Popular Bible Verses from 1 KORINTO 15

Share

Tahema goaku hetakui igê na tongesuriha, mu ramoramo, ma kamu rêra gatagata. Mu arumasigi tare na tagaraha iami tanga na Araha, suria mu bani girara, vi manga mu tagara tanga na Araha, igamu ki asa, vi gamu tagara purua ma.

Ga visia koro God, i katogia, ka teha igê na raramohana na Araha iaka o Jesu Kirisito!

Siana na enoni ka hagabekasigamu. “Na enoni era ka hagatasira na enoni koro.”

Ma suria God ki takiê ma ki tamaniê, tahema inê kê manga ngekê. Ma na takuiha ma na hetamaniha iana ka pe tagara purua ma i pasiku. Inê kê bani tagara raha teharira hato na aposotolo getera. I monari, inê mareku kê pe tanugi, ma God ma, kani takuiê ma ki tamaniê.

E, Mera, igo ko teha vari, iê? E, Mera, i he na tangaruha iamu?” Na tangaruha iana na mera ki na tasi, ma na raramohana na tasi ki râ me tenia na Ramata.

Mu rongo! Be visia tangagamu ta na marâ, i pinihi tenira na enoni, ga pe tongesuri: i asa, vi igia hato ke me, ma igia hato ka page paraparama, ma ka riariaga; i rêrê, manga na matena go piringi maa, matena na ahuri ki angi ma ki arâ su. Suria na matena i angiangi igê na ahuri, na enoni, ga me, ka page mauri aporo, ma ki asa, vi ge page me nikâ, ma igia hato ka page riariaga.

Na mera ki râ me i maveta tenia na mane. Ma ki tagenana ma na mêriha aporo ki râ me tenia na mane. Na enoni hato ka page me, suria ga usuria o Atama, ma ki tagenana ma na enoni hato ka page mauri aporo, suria ga usuria o Kirisito.

Suria na marâ, i girara i meme, ki tuguhia, i voravora renia na marâ, i asa, vi ge page me. Ma na marâ, i girara i magahuru, ki tuguhia, i voravora renia na marâ, i asa, vi ge page magahuru.

Suria o Kirisito ki araria, i araha mataro me na matena God ki teharira igê na merongana hato, ma ki purira so i ano. Ma i hemuri tagana ngaia ki page teharia na merongana, ngaia ki na mera.