Popular Bible Verses from Jayaxihquibo 11

Share

Huetsa yonotinin sca jahuen rehue hahquin, jahuen siete sca. Jan hahcaiya, coshin bi res naihoh quehax yohuanai jai. Noquen Hihbaan jihuemati nete ta nocoscaiqui, jahuen baque Cristo betan jahuen jihuetahbo jan jihuemascanon. Queyoyamanox manatahbo ta jascabijaquin jato jihuemascatihiqui hihqui yohuani.

Noquen nahuabo sina sinatai bi tah min jato sinajaxon mahuanihbo casticanscai. Mia hahxonnicabo tah min mianbo sca copiquin hahxoncoinscai. Miin joi yohinicabo, miin jonibo, mia nincacoinnicabo, haniboya hanitahmabo tah min jato hahxoncoinscai. Mai tiromajanicabo rihbi tah min tiromajascai hahcanquin.

Jaatian tah hen heen joi yohinica rabe raanyaxihqui. Hean raanah ta hahan benáti chopa sahuexon mil doscientos sesenta neten heen joi jato nincamayaxihquiqui, rabebichin.

Hen jisí bi cahen jaton chosco neten barin manan tsacascaiya sca jaton yoshin Papan hahquirihbi hinanxon Huenínahue jato jaah huenicahuani, rabebi. Nihresscaiton merahax hihti raquepahnhuanax tastahihcani, jaa jisibo jatihibi.

Hoi paquetimajati coshi ta Papan jato hinanyaxihquiqui, jaabaan yocacah hoi paqueyamascanon, Papan joi yohiquin queyonon caman. Texpaboya hianbo rihbi jimicahinscanon ta jascajati coshi jato hinanyaxihquiqui. Queenxon tian res mesco pahen mai rishquinon mesco coshi jato hinanquin.

Jaabo rabe ta mai Hihbo bebon nichi olivo jihui rabe qui, Hihbo bebon tsahona johue rabe ta jaabo qui. Tiromabaan jato tiromajacatsihquiton ta jaton jana janinhax chihitan chihitanxon jaton rahuibo queyobahinyaxihquiqui. Jato tiromajati shinanaibo jatihibi ta jascajaquin queyoyaxihquiqui, chihin.