Popular Bible Verses from 1 John 1

Share

Bot God do de right ting all de time an e do all wa e promise. Ef we tell um say we beena sin, e gwine paadon we sin an tek way all de ting wa we do bad outta we life, da mek we life clean.

Bot ef we da waak een de light same like e een de light, we one wid one noda. An de blood ob Jedus, God Son, da tek way all we sin an mek we clean.

Ef we say dey ain no sin een we life, we da mek wesef fool, an dey ain no trute een we.

Dis de message wa God Son tell we an wa we da tell oona. God de light. Ain no daakness een um, none tall. Ef we say we one wid um, stillyet we da waak een de daak, dat mean fa say we da lie, an we ain da lib coddin ta de trute.

Ef we say we ain sin, we da say God ain da taak de trute, an e wod ain hab no place een we life.