Popular Bible Verses from Lucas 11

Share

Odaa niɡ̶ida makaamitiwaji, anakaami abeyacaɡ̶aɡ̶a, owooɡ̶oti majici ɡ̶adionigi anele. Odaa Ǥadiodi ane itiniwa digoida ditibigimedi daɡ̶axatace me yajigotediogi Liwigo niɡ̶ina anodipokotalo!”

Joaniɡ̶idaa leeɡ̶odi mejitaɡ̶awatiwaji, ipokitalo Aneotedoɡ̶oji, odaa jaɡ̶abaatege ane ɡ̶adipoketegi. Oleetibige Aneotedoɡ̶oji niɡ̶ina midi ananiaditibige makaamitaɡ̶atiwaji, odaa akatitiwaji. Atokeni epoagi, odaa domoketaɡ̶adomi.

Jiɡ̶idaaɡ̶ee inatawece niɡ̶ina anodipokotalo Aneotedoɡ̶oji, yajigotediogi anodipokotibige, codaa inatawece niɡ̶ina anodoletibige, oyakadi. Codaa epoagi domoketema niɡ̶ina ane yatoke.

Odaa meetediogi, “Niɡ̶ina motaɡ̶aneɡ̶eni Aneotedoɡ̶oji, enitiwaji, ‘Ǥodiodi anadeoni ditibigimedi, jemaanaɡ̶a minatawece oko odoɡ̶eteta Ǥaboonaɡ̶adi. Jemaanaɡ̶a me iiɡ̶eni laaleɡ̶enali inatawece oko. Awii niɡ̶ica anemaani mawii digoina iiɡ̶o, liciagi mowo anemaani digoida ditibigimedi.

Ixomaɡ̶ateenitedice ɡ̶obeyaceɡ̶eco, igaataɡ̶a niɡ̶ida moko jixomaɡ̶ateenaɡ̶atice niɡ̶ina anowotoɡ̶odomi ane beyagi. Codaa jiniɡ̶ikani daɡ̶a dineetoɡ̶owa ɡ̶odaxakawa. Pida ɡ̶odoɡ̶aaɡ̶egiticogi miditaɡ̶a loniciwaɡ̶a nibeyacaɡ̶a.’”

Anajicitoɡ̶owa ɡ̶oweenigi ane jopooɡ̶atibige inoatawece nokododi.

Niɡ̶inoa ligecooɡ̶e niɡ̶ina oko micataɡ̶a daɡ̶a lokokenatema laaleɡ̶ena. Niɡ̶inoa ligecooɡ̶e nigele, odaa anitawece laaleɡ̶ena nalo. Pida nige deɡ̶eleteda ligecooɡ̶e, laaleɡ̶ena idaaɡ̶ee, idei nexocaɡ̶a.

Aɡ̶ica ini oko ane yalegi loledaɡ̶axi oditaɡ̶a yapoɡ̶oditini, domigetaɡ̶a yapoɡ̶oditeloco baxia. Pida ideyate loledaɡ̶axi ditibigimedi, eotibige minatawece oko anodakatiwece diimigi onadi liwitiigi.