Epeejji cuana, eyaya Jesosa Quitoja esohui shajjaꞌajjanaje. Maya eyaya miquianaya huohuiaña jama baꞌa: Eyacuiñajji quea jaꞌa nee nee poani tii. Jiquio ecua cuaquijijiya mecajje jijinequianiya ojjaña jeajaꞌa cani jayojja jama ohuaya eseya cuana, dejja mimishi cuana quea jaꞌa nee jjashahuabaqui mee cani. Eyacuiñajji mimishiꞌama tii tii, quea tai pojjeama; Eyacuiñajji quea apo pojjeama epojjajo jama tii tii oya baꞌe. Jamajjeya joya mimishi po majje quea apo jayojja tii baꞌyani mimiani jama baꞌa: —Eya Eyacuiñajji nijje jjapeequiani —Eyacuiñajji nijje jjapeequiani poso oya jjabaquiani, siajje poani.
Chojja. Jjapee neineiquiani pojjeama mi coma, jjadasiaquiani jja mi coma. Jiquio ecua se mecajje quea misijo poquiquehuani jayojja jama oya poani.