Popular Bible Verses from Romanos 2

Share

Qaq 'am da 'auauo'o ca lasouaxashet qataq da 'anmittac na 'araỹepi, qalaxaye da nataqa'en 'auo'ottac nam ỹo'ottac namayepi, nache 'am ỹataqta 'ape'enaxan da qonetega da Ñim Lo'onatac 'Enauacna saishet da ỹo'ot ca 'anhuaxanaguec. Ñim Lo'onatac 'Enauacna ỹataqta soxoraic qataq ỹataqta lta'araic da lhualaxavic qataq ishet da lhueneguet 'enauac nam qauempi maye qauo'ocheetac. Qalaxaye saishet qome da qaupicheetega da nam qauo'ocheetacpi qaica ca naigui. Ñim Lo'onatac 'Enauacna ỹataqta huotaxanaqtaqaic, qaq ỹoqo'oye huotaique da ntouen ñi 'oonolec da qoñiita, nache qaỹa'axañiiñi na qauem.

Da huo'o ca 'oonolec da qoñiita da ỹauo'o ca lasouaxashet ca lỹa, nache camaye maiche ỹo'ottac nataqa'en ca lasouaxashet, cha'aye nataqa'en ỹo'ottac damaye. Qaq ỹoqo'oye camaye sa ỹaỹamaxañi da ỹauo'o ca lasouaxashet ca lỹa huo'otaq da nmittac

Cha'aye Ñim Lo'onatac 'Enauacna saishet da lca'atagui na shiỹaxauapi.

Ñim Lo'onatac 'Enauacna ỹaconeguet nam ỹalaxaguet na lqataxacpi so Moisés, qalaxaye saishet da ỹaconeguet nam choche na'axaỹaxaatega namayepi. Qaq nam ỹaỹaten na nqataxacpi qalaq nachena na nqataxacpi nam qairolec da qanmit. Qaq nam sa ỹauatton ne'ena nqataxacpi qataq huo'o na lasouaxashet, qalaq qaỹauo'o ca nhuaxanaguec na'aictaxa da sa ỹauatton ne'ena nqataxacpi.

Qaq que'eca na'a'q Ñim Lo'onatac 'Enauacna ỹami' ñi 'oonolec cam naigui ca lo'onataxanaxac.

Qalaxaye na na'amqaanaxaicpi qataq na qauemaicpi maye saishet da huotaique da ỹo'ot ca no'on, namayepi qome ỹauo'o ca nhuaxanaguec.

Qalaxaye da, nache qoquiito'ot da sa qaualaqai, qataq da saishet da qanaralaxache da qarataxaqui, nache Ñim Lo'onatac 'Enauacna, ỹauo'o ca qanque'eenaxaqui ỹataqta ỹactec. Qaq anata ca na'a'q, qom Ñim Lo'onatac 'Enauacna nmit 'enauac na shiỹaxauapi, nache ỹauo'o qome ca qanhuaxanaguiiqui.