Popular Bible Verses from Proverbios 17

Share

Ca auochaxaua camaye nache 'eetai' da auochaxaua, cha'aye da ivita da qanayeuaigui ca que'eenaxac qalaq camaye 'eeta'am ca nqaỹa.

Da machiguiñi da nquiyaqteỹaxac qalaq ỹo'ot da no'oita da no'ocỹaxac, qaq da naquicoxo qalaq iqaxaỹaqche't naua npi'ineqa.

Ca saishet da iqocha'a da qainogoqchettac camaye ỹo'ot da qaỹauotec, qaq ca ipactega de'era nogoqtaxanaxac camaye ỹo'ot da qaỹoqta ca nauochaxaua.

Ỹataqta huo'o na ỹaỹaten ca saqallegueme da detaqa, qataq sanqalat ca ỹaỹaten da ñe'emaxatta.

Qataq ivira'a ca qaica ca ỹaỹaanapec ishet da 'eco' ỹaanaxanaxaic da sa detaqa, qataq 'eco' sanqalat qanqa'en da ỹaỹaten da ñe'emaxatta.

Na'aictoxo' da qanallectac ca nallec qaramta qalaxaye huo'o da nlagaxayec, qaq saq 'ena'am da qalota na qaỹo'ot nquia'axac qalaxaye nda'a't da loquiaxac.

'Eeta'am ca tala ipaxaalec ca cotaxac maye qanayecot da qaỹo'ot, qalaxaye ỹaỹamaqchiguiñi da qanayeca'ai da ñaq saxanaxa da lliỹa't camaye.

Da choche qaichoxoren ca huo'o ca lasouaxashet qataq da qaỹo'ot ca nhuaxanaguec ca qaica ca ỹasouaxat, qaq ne'enaua dos ỹataqta saishetegueta Ñim Nataxala'.