Popular Bible Verses from Marcos 12

Share

Nache So Jesús 'enapeco': –Dam hua'auchiguiñi qataq dam ỹactec da la'amaqchec nam namaxasoxonaxacpi, 'eeta': «¡Qana'axaỹaxañiỹo' qome, qami' Israel le'ecpi! Ñim Lo'onatac 'Enauacna, nachaqñita 'oonolec Lataxala' na Israel le'ecpi. Ỹataqta 'auauotec qome Ñim Nataxala' maye Lo'onatac 'Enauacna, qataq ỹataqta 'aumato'ot da 'arquiyaqteỹaxac, qataq da 'anachaalataxac, qataq da 'arhuennataxac, qataq da 'ara'añaxac.» Qaq da lỹa maye 'eeta'am damaye, 'eeta': «'Auauotec ca 'arqaỹa, 'eeta'am 'anqa'en da 'arauotaxanaqtaic da maiche 'anachaalataxac.» Qaq qaica ca lỹa namaxasoxonaxac da ỹactec da qaỹalaxalec da 'ena'ama ne'enaua dos.

Nache So Jesús iỹaxanalo soua lapaxaguenataqa, nache 'enapegalo, 'eeta': –Ỹataqta 'eesa de'era qami' sa'axatema, da asa'aso pa'ai maye choxoraq, asomaye ỹataqta ỹactec aso ỹasaxañi, napacalec 'enauac ana ỹasaxañi na sallaxanecpi. Cha'aye 'enauac namayepi ỹasaqtapiguiñi ana lli'iỹoqte. Qalaxaye asomaye na'aictaxa da choxoraq, qalaq nache 'ena'am imatteuo, 'enauac asom huo'o lhuenec lasheue.

Huo'o so na'a'q So Jesús huetaua'a aso no'onaxanaxaqui late'erai nso'ootañi, hueta'a ye saqaỹapeque aso laỹe' ana nachetaqtaxanaqte. Nache imeteetac na shiỹaxauapi maye ỹasaqtapiguiñi ana lachetaqtaxanaqte. Qaq ỹataqta qalota nam sallaxanecpi maye ỹaatapegueuo ana qalota alom. Nache nvireuo aso pa'ai maye choxoraq. Nache asomaye ỹasaxayiñi souatai' alomio'ole, ỹasaxanguilo aso 'oonole anam laỹe'pi ana nachetaqtaxanaqte. Qaq soomaye ỹataqta saq 'amaqta'q da lashiichiỹaxa'c.

Qataq iuen da sauotaxac Ñimaye, imauec da qarquiyaqteỹaxac, qataq sauotaxac na qarqaỹañicpi, 'eeta'am da 'eetec da qarauotaxanaqtaic da maiche qanachaalataxac. Qaq ne'enaua namaxasoxonaxaco ỹataqta qaica ca 'ena'ama da la'amaqche'c, saq 'ena'am da qaỹalaxaguet nam maiche lapaxañipi na shiỹaxauapi.

Nache So Jesús 'enapego' somayepi, 'eeta': –Qaỹa'añim qome ñim lta'a na nta'alpi cam maiche lalamaxat ñimaye, qataq Ñim Lo'onatac 'Enauacna qaỹa'añim ca maiche lalamaxat. Nache co'ollaq qaỹa'axaỹa da la'aqtac So Jesús, nache somayepi ỹataqta lta'araic da la'aalaxa.