Popular Bible Verses from Mateo 27

Share

Qaq so mashe dasheuec aso nala', nache So Jesús ỹataqta na'axannec da ỹa'alaq, 'eeta': «¡Elí, Elí!, ¿lemá sabactani?» –De'era na'aqtac da naigui 'eeta': «'Am maye 'Aro'onatac 'Enauacna. 'Am maye 'Am ỹauotaxat, ¿ta'ainco' da Aỹem 'aualat?»

Huaña, nache nataqa'en so lapoxot hualoxolaỹi maye pa'auo aso no'onaxanaxaqui late'erai, som nacchiguingui na laiñi, somaye colaqchiguingui na laiñi ỹataqta ivirañi so lcolaxa, qaq ana 'alhua qalaq cholaxan qataq na coma'pi qalaq depoqogui, qataq ana huachiquipi qalaq nauangui, nache ỹataqta qalota nam ỹa'amaqteetac Ñim Lo'onatac 'Enauacna nam mashe ileu co'ollaxa, qalaq ỹe'eguelaxa da nca'alec.

Nache qaltaq ỹe'eguelaxalec So Jesús da na'axannec da la'alaxac. Ime, nache ileu.

Nache so huataxanaq lta'a maye Roma le'ec qataq som nalleppi maye nauaatalec So Jesús co'ollaq ỹauaachigui so nacholaxanaxa qataq nam laỹepi maye yo'oq, nache ỹataqta iviloxolaqchet da lcolanaxa. Nache somayepi 'enapeco': «¡Ñi'iñi ỹale ỹoqta 'eesa da Llalec Ñim Lo'onatac 'Enauacna!»

Nache 'enauac ana 'alhua ỹataqta napalñi, chegoqchiguiña so na'a'q laiñi, choche ivitta'a so dashiguiñi añi nala' se'eso avit.

Nache so Pilato denataxano', 'eeta': –Qaq ¿hua'ague ca sheetec dam Jesús maye qoỹeetega Lca'aguishec Ñim Lo'onatac 'Enauacna? Nache 'enauac somayepi 'enapeco': –¡Qomye damaye qaỹalauat qataq qaiuaxaneuo! Somayepi nmasheguem 'eeta'am na do'onaxaatac. Nache so Pilato inat somayepi, 'eeta'