Popular Bible Verses from Mateo 24

Share

Qaq na shiỹaxauapi ỹataqta qauemaicpi qome, ỹoqo'oye qalota qome na ỹaxaañi da ỹauotec ca lỹa. Qalaxaye Aỹem ñeca'alaxatec 'enauac nam Aỹem quetague' qataq saishet da ỹaxanec da lpi'iỹaxac Aỹem choche ivitta'a ca loga't da nachaalataxac.

Qaq cam loga't ana 'alhua nvi' qom de'era no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna mashe qaỹa'aqtaxanem 'enauac na huetalec ana 'alhua, qataq nam ỹotta'a't shiỹaxauapi hua'aqchigui damaye.

Qami' qaua'aqaitapeguelec qome da chemaqchiguiñalo da alaataxac na ỹotta'a't 'alhuapi. Qataq huo'o ca mashe huotaique da deloguiỹa't na nta'alpi. Qalaxaye saishet qome da qayi'i; cha'aye damaye iuen da huo'o qome, qalaxaye saxanaxa da ivita ca loga't ana 'alhua.

Cha'aye na lta'alpi nam ỹotta'a't shiỹaxauapi delogui' qome ca lỹa nta'a, nache na shiỹaxauapi qaica ca aloq, nache huo'o qome ca nqouaxa qataq qalota na 'alhuapi na huo'o na nacholaxanaxa. Qaq 'enauac ne'ena, nachena na chegoqchiguiña na que'eenaxacpi ana 'alhua.

Na piguem qataq ana 'alhua imeuo qome, qalaxaye da ỹa'aqtac saishet da imeuo.

Cha'aye ỹataqta qalota qome na anac, nache choche ne'enaqchingui da ỹe'enaxat, nache 'enapega na shiỹaxauapi, 'eeta': «Aỹem maye nachaỹem Lca'aguishec Ñim Lo'onatac 'Enauacna.» Qataq do'onataxana qome da ỹe'enaxat, nache qalota qome na ỹatenachet.

Huaña, nache qami' qaỹaue'c da qami' qaicoñerai'salo, qataq qami' qoỹaneua'alo na nta'alpi da yaqto' saishet da qami' iyacna'ape, qataq ivira'a da qami' ỹalaua't. Qataq 'enauac na shiỹaxauapi ỹataqta qami' nquiỹalo, souaxat da Aỹem qoquiitague'. Nache qalota qome nam Aỹem ca'attague' da ỹaxanec da lpi'iỹaxac Aỹem, qataq huo'o qome ca decachiỹalec ca lỹa da sa iyacnapec, cha'aye souaxat da lquiỹaxa. Qataq qalota qome na nvi' maye tenataxanaxaicpi, 'eetega da la'aqtaxanaxanecpi Ñim Lo'onatac 'Enauacna, nache ỹataqta qalota qome na ỹatenachet shiỹaxauapi.

Nache So Jesús 'enapeco': –¡Maxatchaxa qome! Saishet da huo'o ca qami' ỹatenache't.

Qaq ỹoqo'oye nache 'eetec nataqa'en da qoñiita, iuen da qanloitec qataq qanaỹamaxacheetai' qome. Cha'aye Aỹem Shiỹaxaua Llalec ñevi' qom mashe saishet da Aỹem qaỹauotaique.

Qaq ỹoqo'oye iuen da nache 'eetai' da qanloitec, cha'aye qami' sa qauaỹaañi ca laloqo' da Aỹem, maye Aỹem Qarataxala'ai qaltaq ñe'eguelaq.

Qalaxaye que'eca na'a'q qataq ca laloqo' da ñe'eguelaq, qalaq qaica ca ishet da ỹaỹaten, ivira'a na namaxashecpi na piguem. Qataq ivira'a Aỹem saishet da saỹaten. 'Oonolec Ñim Lo'onatac 'Enauacna maye Ita'a da ỹaỹaten.

Cha'aye nvi' qome nam tenataxanaxaicpi maye 'eetega lca'aguishecpi Ñim Lo'onatac 'Enauacna qataq nam 'eetega da la'aqtaxanaxanecpi Ñimaye, nache ỹo'ot qome nam sa qaỹauanapega qataq huo'o da llo'oxoyec, nache ỹatenachet na qalota shiỹaxauapi. Qaq ivira'a da ishet nataqa'en da ỹatenachet nam ỹataqta iỹaxanapi Ñim Lo'onatac 'Enauacna.

Qaq Aỹem Shiỹaxaua Llalec qom qaltaq ñe'eguelaq, nache na shiỹaxauapi 'eeta'am qome da lataxac so na'a'q maye huetaigui co'ollaxa so Noé, da na shiỹaxauapi ỹo'ottac da lquia'axac, qataq nỹomtac, qataq huarootega't, choche ivitta'a so na'a'q da so Noé huenoxonoigui aso nnotaxaqui, ime nache npaxaasheguem ana 'alhua. Se'eso shiỹaxauapi saishet da ỹaỹaten da huaigui co'ollaq npaxaasheguem ana 'alhua, ỹoqo'oye ivira'a da 'ogaxaicpi. Qaq 'era da 'eetec Aỹem Shiỹaxaua Llalec qom qaltaq ñe'eguelaq.