Popular Bible Verses from Mateo 15

Share

Qalaxaye na shiỹaxauapi da qauema naua la'aqtaqa, qaq 'eetec de'era cha'aye namayepi qauemaicpi qataq nache 'eetai' da iuennatega da qauem: 'eeta'am ca yo'oqchigui dalaataxan, qataq 'eeta'am ca ncachetague' aca sa lhua, qataq ỹo'ot na qauem, decache, isheueetac ca lỹa shiỹaxaua, qataq ỹatenachet. Qaq Ñim Lo'onatac 'Enauacna saỹaỹamaxaren namayepi da ỹo'oxoreetac Ñimaye. Qalaxaye ỹoqta 'eesa da camachaqca cam ishet da ỹo'oxoren Ñimaye na'aictaxa da saishet da iỹoi' naua lhuaxaye.

Saishet da nachena nam chec ca shiỹaxaua da ishepaxanaqchet da nachaalataxac da datato'ot Ñim Lo'onatac 'Enauacna. Dam ishepaxanaqchet da nachaalataxac ca shiỹaxaua nachera dam lsheunaxanaxac qataq naua qauema la'aqtaqa maye chegaqaiguilo na alap.

‹Ne'ena shiỹaxauapi 'eetega da Aỹem ỹalaxaguet, qalaxaye da lquiyaqteỹaxac ỹataqta qaỹoqta naqa'en Aỹem. Qaq ỹoqo'oye qaica ca naigui da Aỹem qavio'oxoyiñiitac, cha'aye maiche qauo'oche' naua lataxaco da qarapaxaguenataxanaxaqui, ime nache qauapaxaguenataxañic qoñiitega da Aỹem qami' samaxaleguete.›»

Nache So Jesús 'enapeco': –¡'Am 'alo, ỹataqta 'eesa da lta'araic da 'arpi'iỹaxac Ñim Lo'onatac 'Enauacna! Qaq ỹoqo'oye nagui ỹataqta ipacchigui qome da 'arquiquiaxac. Qaq co'ollaq choche qoỹan da na'aqtac, nache aso llale no'oita.

Qalaxaye aso 'alo nquigueua'a So Jesús, nache ỹa'aroto naua l-llectel Somaye, nache 'eeta': –¡'Am Ỹataxala', aỹem 'autauan! Nache So Jesús 'enapeco': –Saỹaỹamaxañi da qaỹacona ca aloq na ñalaqpi, ime, qaq qaỹasaxaigui ca pioxoppi. Qalaxaye asomaye 'enapeco'