Popular Bible Verses from Juan 8

Share

Nache So Jesús qaltaq 'enapega so shiỹaxauapi, 'eeta': –Aỹem Nachaỹem lcoỹaraxanaqte 'enauac na huetalec ana 'alhua. Aỹem qauca'acheegue, yaqto' saishet da qoquiitaigui na napalaxa, nachaqrata da qoviitaigui na yo'oqchiguiñi maye nachera da nca'alaxa.

Nache qami' ỹataqta qauauattoñiita da 'eesa lataxac, qaq de'era 'eesa lataxac, nachera da ỹataqta qami' huesochiyiñi naqa'en.

Nache So Jesús 'enapego' nam judiopi maye ỹa'amaqten Somaye, 'eeta': –Qami' qom ỹataqta qauo'oche de'era qami' sa'axatema, nache ỹoqta 'eesa da qami' ỹapaxaguenataqa.

Qaq ỹoqo'oye ne'ena Ñalec da qami' huesochiyiñi naqa'en, nache ỹataqta 'eesa da qami' huesochiyiñi.

Qalaxaye soomaye, nache quetro'oto da denataxaata'ape. Nache So Jesús nachaañi, nache 'enapegalo soomaye, 'eeta': –Da huo'o ca 'oonolec da qoñiita da qaica ca lasouaxashet, qaq nacheca ca la'auaxanec da ỹasaq ca coma' aramaye.

Nache So Jesús 'enapega somayepi, 'eeta': –Ỹataqta 'eesa de'era qami' sa'axatema, da 'enauac nam ỹo'ottac da lle'etaxaloxo, namayepi 'eeta'am da l-latacpi de'era ñe'etaxaloxo.

Nache So Jesús nachaañi, nache 'enapeco': –'Am 'alo, ¿Cam huetra'ague caua 'am nauectrauo? ¿Qaica peta'a ca ỹañoxot da ỹauo'o ca 'arasouaxashet? Nache asomaye 'enapeco': –Qaica, 'am Ỹataxala'. Nache So Jesús 'enapego' asomaye, 'eeta': –Aỹem nataqa'en saishet da sauo'o ca 'arasouaxashet. Qaq nagui 'am qojec, qalaxaye saishet da qaltaq 'avi'eguelaxalec da 'auo'ot som qauem maye 'auo'ottac.]