Popular Bible Verses from Gálatas 1

Share

Saishet da shectaigui da choche ñimitta'a da na shiỹaxauapi ỹaỹamaxareeta ca shenapec. Qataq saishet da ñimitta'a da aỹem qaỹamateguet. Cha'aye da nache sheetec de'era, nache saishet da aỹem lamaxashec So Cristo. ¡Cha'aye da ỹoqta ỹaỹamaqchiguiñi ñaqa'en da Ñim Lo'onatac 'Enauacna aỹem ỹaỹamaxareeta!

Qaq ỹoqo'oye da huo'o ca nvi' da qami' da'aqtaxanema ca lỹa na'aqtaxanaxac maye 'eetega no'on na'axaỹaxac qalaxaye saishet da nateeteguet dam qami' sa'aqtaxanaqteguema, qaq aỹem seỹaxanot Ñim Lo'onatac 'Enauacna da ỹauo'o ca nhuaxanaguec camaye, na'aictaxa da huo'otaq namaxashec chegoqo'ot na piguem huo'otaq da maiche qarỹa.

Qami' ñauochaxauapi ỹaqaỹañicpi maye qaua'amqaanataxañiitac maye qoviita'a na 'alhua Galacia: Aỹem Pablo qataq nam ca'attague' So Cristo maye aỹem hueta'aguet, qami' sequinaqta'ape. Seỹaxaatacot Ñim Lo'onatac 'Enauacna maye Qarta'a qataq So Qarataxala' Jesucristo da ỹataqta qami' ỹauoteque qataq qami' ỹanema ca qarlagaxayiqui. Aỹem namaxashec da sa'axat da no'on na'axaỹaxac: ¡da So Jesucristo mashe qaltaq nca'alec! Qaica ca aỹem ỹamaq nam shiỹaxauapi maye huetalec ana 'alhua, nachaqsota Somaye qataq Ñim Lo'onatac 'Enauacna maye Lta'a Ñim nca'alaxateeguesop da l-leuaxa co'ollaxa. So Jesucristo ỹataqta nache 'eetai' da ỹalaxaguet Ñi Qarta'a maye Lo'onatac 'Enauacna, qataq nañaneguet da nleuaxa yaqto' Ñimaye ỹapalaxat na qarasouaxashetpi qataq qomi' isoueeguesopa nam qauemsat maye huetalec ana 'alhua.